Académia Ligùstica do Brénno

L'Académia Ligùstica do Brénno a l'é stæta fondà'nta néutte de Sàn Gianbatìsta do 1970 da 'na mànega d'apascionæ da léngoa zenéize ch’àn compilò'n manifèsto pe inandiâla.
In pràtica a no l’à mâi fonçionòu. Ma gh’é o nómme, o scìnbolo, a tradiçión. Cöse da no pèrde. Pe quésto da-o 23 d'arvî do 2008, fèsta de Sàn Zòrzo, gh’é sto scîto chi 'n sciâ Ræ.

In scia Ræ e in grafîa ofiçiâ:
Traduttore Italiano Genovese - TIG
do prof. Franco Bampi, òspitòu chi a l'Académia

	Intrâ
	Grafîa ofiçiâ
	Gramàtica
	Léscico
	Mediatêca
	Agiùtti
	Stöia de l'Académia
	Scrîvi a l'Académia

Màppa do scîto

Dôv'én i coménti

Covertìnn-a

Ma cöse gh'é chi drénto?

Grafîa ofiçiâ
A cösa ciù inportànte a l'é a grafîa ofiçiâ adêuviâ pe scrîve tùtto o scîto. A grafia ofiçia a l'é conpendia inte 'na paginetta pdf in italian. E gh'é anche 'na pàgina con tùtti i scîti ch'àn mìsso 'na conesción vèrso l'Académia.

Gramàtica do zenéize de Zêna
Pe savéi scrîve e parlâ in zenéize corètto (a saiâ inbastîa ciàn cianìn).

Léscico do zenéize de Zêna
Pe aregordâ a no pèrde tànte bèlle paròlle da nòstra léngoa (sta seçión ascì a saiâ inbastîa ciàn cianìn).

Cansoìn
I tèsti, e no sólo, de cansoìn zenéixi antîghe e ciù famôse scrîti, l'é ciæo, inta grafîa ofiçiâ.

Stöia
Pöi gh'é a stöia de l’Académia Ligùstica do Brénno, cómm’a l’é nasciûa, cös'a l'à fæto, e tànte âtre coixitæ da scrovî.

Inte tùtte e pàgine, levòu quélle de prezentaçión, gh'é a posciblitæ de dî o pròpio pài dêuviàndo a casélla Dinni a teu. Tùtti i intervénti, che no ségian òfensîvi, saiàn publicæ inta mæxima pàgina dôve són stæti scrîti.