als.wikipedia.org

4. Mai - Alemannische Wikipedia

Us der alemannische Wikipedia, der freie Dialäkt-Enzyklopedy

Dr 4. Mai isch dr 124. Dag vum Gregorianische Kalender (dr 125. in Schaltjohr), dodermit blybe no 241 Däg bis zum Änd vum Johr.

1521: Dr Martin Luther wird uf dr Haimrais vum Rychsdag z Worms bim Schloss Altenburg zum Schyy gfangegnuu un zue dr Wartburg unter dr Schutz vum sächsische Kurfirscht Friedrich em Wyse brocht.
1798: Dr Kanton Linth wird grindet us em eidgnessische Ort Glarus un sym Undertanebiet Wärdebärg, em ehmolige Undertanebiet vum Ort Schwyz (Höf, March, Eisiidle) un vum Ort Züri (Herrschaft Sax), dr ehmolige gmaine Herrschafte Uznach, Gaster, Sargans, dr Stadt Rapperschwil un em Obertoggeburg.
1814: Dr Napoleon Bonaparte landet no syre Abdankig uf dr Mittelmeerinsle Elba.
1884: Z Leipzig wird d Oper Der Trompeter von Säckingen vum Victor Ernst Nessler urufgfiert.
1954: In dr Bad-Lichtspiele z Stuegert chunnt dr Film Rosen-Resli zum erschte Mol in s Kino.
2001: Dr Guido Westerwelle wird uf em Bundesbarteidag z Düsseldorf zum Bundesvorsitzende vu dr Freie Demokratische Bartei gwehlt.