als.wikipedia.org

Thur (Schwiz) - Alemannische Wikipedia

Us der alemannische Wikipedia, der freie Dialäkt-Enzyklopedy

Dä Artikel behandlet de Fluss Thur i de Ostschwiz. För witeri Bedütige lueg bi Thur.

Date
Thur
D Thur, wo si no jung isch, bi Stai im Toggeburg D Thur, wo si no jung isch, bi Stai im Toggeburg
Laag	Schwiiz, Ostschwyz, Toggeburg, Kantoo Sanggale, Thurgi, Kantoo Zöri
Flusssystem	Rhii
Abfluss über	Rhii → Nordsee
Quelle	bi Unterwasser us de Wildhuser Thur und de Säntisthur 47° 11′ 46″ N, 9° 18′ 9″ O
Quellhöchi	910 m
Mündig	zwüschet Flaach und Ellike in RhiiKoordinate: 47° 35′ 40″ N, 8° 35′ 24″ O; CH1903: 686597 / 272163 47° 35′ 40″ N, 8° 35′ 24″ O
Mündigshöchi	350 m
Höchiunterschiid	560 m
Lengi	134,6 km
Iizugsgebiet	ca. 1'700 km²
Rächti Nääbeflüss	lueg Näbeflüss vo de Thur
Linggi Nääbeflüss	lueg Näbeflüss vo de Thur
Mittelgroossi Stedt	Wil, Bischofzäll, Wiifälde, Frauefäld, Andelfinge

D Thur (IPA: tu:r) isch nebet em Rhii de längst Fluss i de Ostschwiz.

De Name Thur werd uf die indogermanisch Wortwurzle dhu- "haste, pressiere" zruggfüert.

D Thur entspringt im Obertoggeburg bi Wildhuus (Wildhuser Thur) und Unterwasser (Säntisthur), wobi sich die baide Flüssli bi Unterwasser verainiget. Bikannt sind die imposante Thurwasserfäll vode Säntisthur bi Unterwasser. D Thur flüsst im Oberlauf dur s Toggeburg und im Unterlauf dur de Kantoo Thurgau, wo noch dem Fluss benennt isch.

Die wichtigste Nebeflüss sind de Necker vom Oste, wo bi Lütischborg i d Thur ine flüsst, denn chunnt vo Süde her d Glatt bi Oberbüre. Z Bischofszell flüsst den d Sittere i d Thur und denn no bi Frauefeld d Murg, wo ide Römerzit d Grenze zwüschet de Provinze Gallie und Rätie bildet het. D Thur selber flüsst bi Ellike in Rhii.

Vo de Quele vo de Säntisthur bis zude Mündig in Rhii ine messt d Thur öpe 130 km, devo sind 68 km im Kantoo Sanggale, 42 km im Kantoo Thurgau und die unterste 19 km im Kantoo Züri.

D Wissthur (bi Stai)
D Lutere (bi Noi Santihann)
De Diepfurterbach (bi Diepfert)
De Negger (bi Lütischborg)
De Gonzebach (bi Lütischborg)
D Uze (bi Niderozwil)
D Glatt (bi Oberbüre)
D Settere (bi Sitterdorf)
De Giesse (bi Amlike-Bissegg)
De Chemibach (bi Pfy)
D Murg

D Thurfäll bi Unterwasser

Markus Hostmann. 2009. Befreite Wasser: Entdeckungsreisen in revitalisierte Flusslandschaften der Schweiz. Zürich 2009, Rotpunktverlag

Hans Büchler: Thur. In: Historisches Lexikon vo dr Schwiiz.
De Pegel z Andelfinge

Dä Artikel basiert uff ere fräie Übersetzig vu dere Version vum Artikel „Thur_(Rhein)“ vu de dütsche Wikipedia. E Liste vu de Autore un Versione isch do z finde.