Wikipedia

O ngangan nona kitakit ’i, Ostorariya (Ikiris sowal: Commonwealth of Australia) ano ca.

Australia; Holam a sowal: 澳洲. I satimolan riyar ko aro’ nona kitakit, adihayay ko kanatanatal a misakapotay patireng to kitakit, o ’icel no mikowanay o kinpo ko pido’edoan. O Tatapangan a niyaro’ o Kyanpira, o satata’angay a niyaro’ o Sitoni, Sieli hananay no kaping a sowal. Ona kitakit toniniam ’i, caayay ka laliting to roma a karoapw (陸地), o taliyok sahetoay o riyar, sa caay ko recep no pinangan no roma a kitakit, caay ka siwar no roma a finacadan ko nika’orip, yo sa’aloman sa to ko tata’angay a tamina nani Yoropa a tayni ta sa ’aloman sato ko mafana’ay to kairay nona palapalaan no Yincumin. I sa’ayaw ’i, o pipasonolan to ciraraway tamdaw, iikor ira ko pakaheraay to tada ’ekim, sano riri’ sato a masafelengaw a tayni ko kohecalay tamdaw a mili’ekim, ititi to a ma’eco ko kamaro’an no itinitiniay aca a maro’ a Yincumin.

Maysang Kalimud (kuwaping a sowal: 楊傳廣, 1933 miheca 7 folad 10 romi’ad - 2007 miheca 1 folad 28 romi’ad) kananaman no niya a mitilid to ngangan Misun saan ko pangangan. Masofoc i no Dipong pikowan Taywan Posong kofa, niyaro’ no Falangaw a ’Amis a tamdaw. Na o dayhiw maocor no kitakit (ROC) mikihatiya to Olimpiko mo^etepay a kalalifet, pakaala 1960 mihecaan Loma Olimpiko saka tosa a kompay, o sakacecay no Taywan pakaalaay to kompay no Olimpiko, ato i likisi sakacecay pakaalaay to kompay no Olimpiko Taywan a tamdaw, onini haw i o sakacecay a kompay no kitakit (ROC) Olimpiko a kompay. Maysang, i mo^etepay a kalalifet pakata’elifay mirocokay to 9000 tinso, mapangangan to “Asiya a ’ekeng fainayan” (Asian Iron Man). Itiya ci ’Atongol (Ciong-kay-sik) a contong kina 7 matahidang, o sakacecay no Taywan a ontoing. Nanoya, ikor pakaala cingra to kompay no Olimpiko, Faladaw a niyaro’ fa^elohay selal a kapah panganganen to “Latingko” a han, oni a selal i 2005 miheca mapacakat i kalas no niyaro’ o “Isefi’ay” a han. I 2000 mihecaan ci Maysang mapatireng no kakalas no niyaro’ to Tomok no Falangaw niyaro’.

O sowal no Sawaliay ’Amis a Finacadan to codad, o ohong hananay.

O citodotodongay iparo no kadopak, o citiliday ato sasing, o pitilidan to masamaamaanay a taneng, matiyaay o citing. Itini i pasawalian no Taywan a ’Amis a tamdaw i, o tilid hananay nangra ko ohong, mahecaday ko imi nona tosa a tilid. O tanengnengan no tamdamdaw a ohong, o pitongalan to taneng no tamdaw.

O ohong hananay i, adihay ko kasaromaroma no tilid. Ira ko kongkoan a ohong, ira ko tanengnengan no ka’emangay a ohong, Cilamlamay to masamaamaanay tilid a Cace (雜誌). Saheto sa o kaolahan no tamdamdaw a ohong.

O pipahacean to ohong i, o pa’acaay to ohong a patiyamay (書店) hananay. O ’ariri no ohong (圖書館) i, opicaliwan to ohong. 2010 a mihecaan mikisang ko Kuko (谷歌) a kosi i, mi insaco kingkiw tangasa tahanini.