Cantabria - Biquipedia, a enciclopedia libre

Cantabria ye una comunidat autonoma uniprovincial espanyola (oficialment comunidat historica). Muga a l'este con o País Basco (provincia de Bizcaya), a o sud con Castiella y Leyón (provincias de Leyón, Palencia y Burgos), a l'ueste con o Prencipau d'Asturias y a o norte con a mar Cantabrica. A suya capital (que ye amás a ciudat con mayor población) ye a ciudat de Santander. En fan parte 10 comarcas. A suya actual presidenta ye María José Sáenz de Buruaga Gómez, d'o Partido Popular (a primera muller en ocupar ixe cargo),^[3] d'alcuerdo con as prescripcions d'o suyo estatuto d'autonomía.

Cantabria tien una población de 593.121 habitants (2011) en una superficie de 5.321 km², con una densidat de población de 111,47 hab/km².

Anque no ye segura a suya procedencia, a opinión mas aceptada por os expertos ye que deriva d'a raíz cant-, d'orichen celta y que significa "cantal" y o sufixo -abr. "Cantabro" significaría asinas "pueblo que vive en as penyas" y ye o nombre d'os cantabros, o pueblo que i viviba antis de que i plegasen os romans.

Posiciónn	Municipio	Población (2022)
1.	Santander	171.693
2.	Torrelavega	51.142
3.	Castro Urdiales	33.109
4.	Camargo	30.374
5.	Piélagos	26.279
6.	El Astillero	18.153
7.	Santa Cruz de Bezana	13.482
8.	Laredo	10.967
9.	Santoña	10.857
10.	Los Corrales de Buelna	10.752

• Comarcas de Cantabria.

• (es) Pachina web oficial d'o Gubierno de Cantabria.
• Se veigan as imáchens de Commons sobre Cantabria.