an.wikipedia.org

Felipe Aláiz de Pablo - Biquipedia, a enciclopedia libre

Felipe Aláiz de Pablo
Información personal
Calendata de naixencia 23 de mayo de 1887
Puesto de naixencia Belver de Cinca (Cinca Baixa, Aragón)
Calendata de muerte 8 d'abril de 1959
Puesto de muerte París (Francia)
Ocupación Periodista, escritor y novelista

Felipe Aláiz de Pablo, naixito de Belver de Cinca (Cinca Baixa) o 23 de mayo de 1887 y muerto en o exilio en París (Francia) o 8 d'abril de 1959, estió un periodista, escritor y novelista aragonés d'ideolochía anarquista.

Fillo de militar, se formó como estudiant en Leida, Uesca y Zaragoza, adedicando-se dende muit choven a o periodismo, estando dende 1914 director d'a revista Aragón, y vinclando-se con cerclos d'o nacionalismo aragonés y partidarios d'a republica federal. Sindembargo, dende zaguerías d'os anyos 1910 pasa a convertir-se en militant anarquista, estando dende alavez vinclato con l'anarquismo dica a suya muerte, colaborando u dirichindo cuantas publicacions anarquistas. Ye considerato como o mas destacato escritor d'ideolochía anarquista en Espanya.

En 1939, con a victoria franquista en a Guerra Civil espanyola, s'exilia en Francia, país a on i morió.

Ye autor de cuantas novelas curtas.

  • 1924: Quinet.
  • 1962: Tipos españoles.
  • Hacia una Federación de Autonomías Ibéricas.