Sarajevo - Biquipedia, a enciclopedia libre
Sarajevo (Sarajevo en serbocroata, Сарајево en alfabeto cirilico) ye una ciudat de Bosnia y Herzegovina, a mayor ciudat d'o país por o suyo numero d'habitants y a capital d'o país, d'a Federación de Bosnia y Herzegovina y d'o cantón de Sarajevo.
A suya población ye de 304.614 habitants, en una superficie de 141,5 km², con una densidat de población de 2.152,75 hab/km².
Sarajevo ye una d'as ciudaz de mayor importancia d'os Balcans.
A población d'a ciudat de Sarajevo ye de mayoría bosnia musulmana, pero a redolada de Sarajevo ye de mayoría serbia. Serbios y croatas son presents en a ciudat y por lo menos antes d'a Guerra d'Independencia de Bosnia-Herzegovina i heba barrios de mayoría serbia u de mayoría croata, (Ilidza, Otec, Stup, ecetra...). Antes d'a guerra se deciba que Sarajevo yera a tercera ciudat yugoslava en numero de serbios. A redueita minoría sefardita dixó a ciudat cuan a guerra.
A suya historia ye fecunda, dende l'asasinato o 28 de chunio de 1914 de Francisco Ferrando d'Austria, heredero de l'Imperio Austrohongaro, y a suya muller Sophie Chotek por Gavrilo Princip, en o clamato Atentato de Sarajevo, que estió una d'as causas d'a Primera Guerra Mundial, dica os Chuegos Olimpicos d'Hibierno de 1984, ta rematar en o setio de Sarajevo en os anyos 1990 mientres a Guerra de Bosnia y Herzegovina.
Sarajevo fue establito en 1461 por os Otomans, o suyo nombre provién d'o turco saray que significa "palacio".
Sarajevo estió a seu d'os Chuegos Olimpicos d'hibierno en a suya edición de 1984.
Se veigan as imáchens de Commons sobre Sarajevo.- (bs) (en) Pachina web oficial municipal.
- (en) Guía d'a ciudat de Sarajevo.
- (en) Pachina web oficial d'o cantón de Sarajevo.
