The Big Sleep (cinta de 1946) - Biquipedia, a enciclopedia libre
- Iste articlo ye sobre una cinta de cine negro de cine estausunidense de 1946; ta atros usos, se veiga The Big Sleep (desambigación) y The Big Sleep (cinta).
The Big Sleep (títol orichinal en anglés, en aragonés O gran suenio, enguerada en Aragón con o títol en castellano d'El sueño eterno, en aragonés O suenio eterno) ye una cinta de cine estausunidense de cine negro enguerada l'anyo 1946, dirichida por Howard Hawks seguntes un guión adaptau por William Faulkner, Leigh Brackett y Jules Furthman (basau en a novela The Big Sleep que heba publicau Raymond Chandler l'anyo 1939), con una banda sonora orichinal de Max Steiner, una dirección de fotografía de Sidney Hickox y una producción cinematografica de Howard Hawks ta la productora cinematografica Warner Bros.. Conta con un elenco formau por Humphrey Bogart, Lauren Bacall, John Ridgely, Martha Vickers, Sonia Darrin, Dorothy Malone, Regis Toomey, Peggy Knudsen, Charles Waldron, Charles D. Brown, Bob Steele, Elisha Cook Jr., Louis Jean Heydt, Trevor Bardette, Tommy Rafferty, Ben Welden, Tom Fadden y Theodore von Eltz, entre d'atros actors.
Ye una cinta protagonizada por Philip Marlowe, un detective privau de Los Angeles a qui contracta lo cheneral Sternwood, un cabalero propietario, ta que quede a lo cudiau d'un conchunto de deudas que su filla chicota, Carmen, tien con Arthur Geiger, un librero. Cuan marcha, l'interroga la filla mayor, Vivian, qui sospeita que lo motivo d'o contracto ye d'investigar a desaparición de Sean Regan, protechiu d'ella, fa un mes. Poquet a poquet a trama se complica con un chantache enta Carmen, con l'asasinato d'o chofero d'a familia y con l'aparición en escena d'Eddie Mars, un gángster relacionau con Vivian, y Marlowe descubre que en realidat garra cosa ye lo que parixe.
A cinta s'ambienta en a suya epoca actual (1944, cuan se filmó) en a ciudat de Los Angeles en California, y las suyas escenas se filmoron en os Brothers Burbank Studios en Burbank, tamién en California.[2]
The Big Sleep ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veigan as imáchens de Commons sobre The Big Sleep.- (en) The Big Sleep en Internet Movie Database.
- (en) The Big Sleep en l'American Film Institute Catalog de l'American Film Institute.
- (en) The Big Sleep en AllMovie.
- (en) The Big Sleep en TCM Movie.
- (en) The Big Sleep en Rotten Tomatoes.
