لألفية 2 - ويكيپيديا
- ️Fri May 19 2023
| ألفيات: | |
|---|---|
| قرون: |
لألفية التانية هي ألفية ف لفترة د بعد لميلاد ف التقويم لڭريڭوري. بدات ف 1 يناير 1001 و سالات ف 31 دجنبر عام 2000 (من لقرن 11 تال لقرن 20).
ف لألفية التانية كانلقاو فترات تاريخية بحال لقرون لوسطانية لؤروپية، لفترة الدهبية لإسلامية، لعاودولادة، لفترة د لأنوار و لفترة لعصرية.
ف لألفية التانية ستامر التحول ديال مركز لحضارة من السواحل ديال لبحر لبيض لمتوسط، كيما كان قبل ف لفترة لقديمة، ل مدون بعيدة عليه نسبياً بحال بغداد ف الشرق لأوسط، لقاهرة، لقيروان، و فاس ف شمال إفريقيا ف فترة لولة، و من بعد أمسطردام، پاري، و لندن ف غرب ؤروپا. ف لقرن 18، لعالم لغربي عرف تطور كبير بزاف لي تسمّا التباعد لكبير، ؤلا لمعجزة لؤروپية، و لي خلات الشعوب و لبلدان د ؤروپا تهرب حضارياً و قتيصادياً ل لڭدام على لحضارات لي سبقاتها ؤ تا لي كانت معاصراها.
كا نتيجة ل هاد التطور، كان تسارع ديال التقدم الطيكنولوجي و لعلمي، لي عطا تورات متّابعين، و لي خلات مستوى لمعيشة و لمعرفة ديال بنادم أحسن ب واهلي من أي فترة تاريخية دازت قبل.
الزيادة د تعداد السكان ف هاد لألفية كانت أسرع من أي فترة تاريخية سبقاتها، و دازت من جوايه 300 مليون واحد ف عام 1000 ل 6 مليار عام 2000.[1]
- ^ "Estimated global population from 10,000BCE to 2100". مأرشيڤي من لأصل ف 2023-05-19. تطّالع عليه ب تاريخ 2023-01-27.