بوابة:الاسلام - ويكيبيديا

أهلاً بيكو في بوابة الإسلام

أهلا بكم فى بوابة الاسلام

{{center|

الإسلام هو اخر الاديان الابراهيميه . واكتر دين منتشر جغرافيا على مستوى العالم موجود فى كل الدول ماعدا الفاتيكان , وتانى دين فى عدد المعتنقين بعد المسيحية,الاسلام متأسس على القرآن ، الكتاب اللى المسلمين بيعتبروه انزل من الله الواحد على النبى محمد ، و السنه النبويه ( افعال و أحديث النبى محمد ). الاسلام عند المسلمين هو الدين الكامل و التنزيل المتمم لرسايل التوحيد اللى اتبعتت للبشريه قبله زى رسايل الأنبيا ابراهيم و موسى و عيسى. القرآن نزل على النبى محمد فى مكه فى القرن السابع الميلادى. بيعتقد المسلمين ان الرسايل اللى سبقته و الكتب المنزله عن طريق الوحى إتبدلوا عن طريق البشر تبع للأهواء و إتشوهو مع مرور الزمن. النقطه المركزيه فى الإسلام هى التوحيد يعنى الإيمان برب واحد مالهوش أى شريك.

اغلب المسلمين بينتمو للمذهبين الكبار و هم المذهب السنى بطوايفه و مذاهبه الفقهيه و المذهب الشيعى بطوايفه . الإسلام بيعتبر أسرع دين انتشر فى العالم و امتد فى فتره قياسيه من الصين شرق لجنوب غرب اوروبا غرباً ، و منه خرجت حضاره جديده فى العالم هى الحضاره الاسلاميه. النهارده الاسلام هو الدين السايد فى الشرق الوسطانى ، و شمال افريقيا ، و مناطق كتيره فى اسيا و جنوب الصحرا الكبرى فى افريقيا. معظم المسلمين مش عرب اللى بيعتبروا 20% من عدد المسلمين فى العالم ، و أكتر دوله فيها مسلمين هى اندونيسيا و أعداد مش صغيره موجوده فى الصين و روسيا و مناطق البلقان والكاريبى. حوالى 13% من المسلمين عايشين فى اندونيسيا اللى بتعتبر اكبر دوله إسلاميه. %31 من المسلمين بيعيشوا فى شبه القاره الهنديه . عدد المسلمين حالى حوالى 1.97 مليار. ده بالأضافه للى بيعتنقوا الإسلام والمهاجرين المسلمين الموجودين تقريباً فى كل نواحى العالم. الإسلام هو اكبر دين فى العالم .

المقاله الرئيسيه.....الاسلام