Congresu de los Diputaos - Wikipedia
- ️Sun Feb 18 2018
| Congresu de los Diputaos | |
|---|---|
| Congreso de los Diputados | |
 | |
 | |
| Datos xenerales | |
| Tipu |
cámara de diputados (es)  |
| Estáu |
 España |
| Sede | Palaciu de les Cortes |
| Parte de | Cortes Españoles |
| Formáu por | Diputáu nel Congresu de los Diputaos d'España |
| Composición | |
| Númberu d'escaños | 350 |
 | |
| Más información | |
| congreso.es | |
 |
El Congresu de los Diputaos ye la Cámara Baxa de les Cortes Xenerales, el muérganu constitucional que representa al pueblu español. L'actual llexislatura del Congresu ye la XIV llexislatura.
El Congresu compónse de 350 diputaos, elixíos por sufraxu universal, igual, llibre y secretu. Les eleiciones faense ordinariamente cada cuatro años, o enantes en casu d'eleiciones tres un desaniciu anticipáu de les Cámares. Los miembros del Congresu de los Diputaos s'escueyen mediante representación proporcional con llistes zarraes en cada circunscripción eleutoral con arreglu al sistema d'Hondt.
Los diputados del Congresu tán dixebraos en Grupos Parllamentarios, que na práctica se corresponden a los partíos políticos, salvo'l Grupo Mestu, que reúne a los partíos que nun reúnen los requisitos pa constituyir Grupu Parllamentariu propiu. El Grupu Parllamentariu con más diputaos ye'l PSOE (123 diputados), y hai trece partios políticos con representación parllamentaria.
El Congreso ta nel Palaciu de les Cortes, ubicáu na plaza de les Cortes de Madrid.[1] A lo llargo del añu, el Congresu se reúne ordinariamente de setiembre a avientu y de febreru a xunu, anque puen celebrase y se celebren sesiones estraordinaries a lo llargo de tol añu.
El Congresu de los Diputaos tien el so antecedente más remotu nel Estatutu Real de 1834, dau pola reina María Cristina, rexente mientres la minoría d'edá d'Isabel II, y qu'estableció per primer vegada n'España la configuración bicameral de les Cortes, al estremales en dos Estamentos: el de Próceres del Reinu y el de Procuradores del Reinu.
L'Estamentu de Procuradores del Reinu tenía calter eleutivu y una composición que correspondía a la representación de les Ciudaes y Burgos con drechu de votu nes Cortes del Antiguu Réxime.
Na Constitución de 1837, aprobada en resultes del Motín de la Granxa de San Ildelfonso que forció a la reina rexente a sancionala, recoyer per primer vegada la denominación de "Congresu de los Diputaos" pa la Cámara Baxa de les Cortes Xenerales.
Nes socesives Constituciones de 1845, 1856, 1869 y 1876 caltuvieron la configuración del Congresu de los Diputaos como una cámara de representación popular, qu'en dellos casos tuvo atribuyida preeminencia sobre'l Senáu en materia de fuercies armaes y de contribuciones y creitu públicu y control políticu a los miembros del Gobiernu.
| Cargo | Titular | Llista |
| Presidenta del Congresu | Meritxell Batet Lamaña |  |
| Vicepresidenta primera | María Gloria Elizo Serrano |  Unidas Podemos
|
| Vicepresidente segundu | Alfonso Rodríguez Gómez de Celis |  |
| Vicepresidenta tercera | Ana Pastor Julián |  PP
|
| Vicepresidente cuartu | José Ignacio Prendes Prendes |  |
| Secretario primeru | Gerardo Pisarello Prados |  En Comú Podem
|
| Secretaria segunda | Sofía Hernanz Costa | |
| Secretariu terceru | Adolfo Suárez Illana | PP
|
| Secretaria cuarta | Patricia Isaura Reyes Rivera | |
| Grupu parllamentariu | Componentes | Voceru/a | Líder | Total | |
| Socialista | PSOE: 111 PSC: 12
|
Adriana Lastra | Pedro Sánchez | 123 | |
| Popular |  PP: 66
|
José Antonio Bermúdez de Castro | Pablo Casado | 66 | |
| Ciudadanos | Ciudadanos: 57
|
Inés Arrimadas | Albert Rivera | 57 | |
| Confederal de Xuníes Podemos-En Comú Podem-Galicia en Común |
Unidas Podemos: 33 En Comú Podem: 7  Galicia en Común: 2
|
Irene Montero | Pablo Iglesias | 42 | |
| Vox |  Vox: 24
|
Iván Espinosa de los Monteros | Santiago Abascal | 24 | |
| Republicanu |  ERC: 13[nota 1] Sobiranistes: 1
|
Gabriel Rufián | 14 | ||
| Vascu (EAJ-PNV) | EAJ-PNV: 6 | Aitor Esteban | 6 | ||
| Mestu |  JxCat: 7 EH Bildu: 4 Coalición Canaria: 2 UPN: 2.svg) Compromís: 1PRC: 1 ERC: 1
|
Laura Borràs Oskar Matute Ana Oramas Sergio Sayas Joan Baldoví José María Mazón Oriol Junqueras |
18 |
El Palaciu de les Cortes ye l'edificiu qu'alluga'l Congresu de los Diputaos. Ta asitiáu na Plaza de las Cortes, ente la Cai de Zorrilla y la Carrera de San Jerónimo, a escasa distancia del Paséu del Prado, en Madrid. Ye unu de los edificios emblemáticos del Madrid del sieglu XIX, d'estilu Neoclásicu.
La Constitución española establez nel artículu 68.1 que'l Congresu de los Diputaos tien de tar compuestu por un mínimu de 300 y un máximu de 400 diputaoss.[5] El númberu actual ye de 350 diputaos per determinación de la Llei Orgánica de Réxime Eleutoral Xeneral, aprobada en 1985.[6]
La Constitución establez que los diputaos son escoyíos por sufraxu universal, llibre, igual, direutu y secretu.[5] Les eleiciones a les Cortes Xenerales celébrense cada cuatro años, o enantes en casu d'eleiciones antemanaes.[7] Los miembros del Congresu de los Diputaos son escoyíos por aciu de representación proporcional con llistes zarraes en cada circunscripción eleutoral.[8]
- ↑ «Actas de las Sesiones del Congreso a lo largo de toda su historia». Archiváu dende l'orixinal, el 2018-02-18. Consultáu'l 19 de xineru de 2018.
- ↑ Aduriz, Iñigo. «Meritxell Batet, elegida presidenta del Congreso gracias al acuerdo entre PSOE y Unidas Podemos» (castellanu). Archiváu dende l'orixinal, el 2019-07-23. Consultáu'l 21 de mayu de 2019.
- ↑ «Junta de Portavoces - Congreso de los Diputados». Archiváu dende l'orixinal, el 2019-07-23.
- ↑ «El Congreso constituye ocho grupos parlamentarios con Junts en el Mixto» (30 de mayu de 2019). Archiváu dende l'orixinal, el 2019-06-05. Consultáu'l 30 de mayu de 2019.
- ↑ 5,0 5,1 Constitución española, 1978, art. 68.1.
- ↑ Llei Orgánica del Réxime Eleutoral Xeneral, 1985, art. 162.1.
- ↑ Cortes Xenerales, 1978, art. 68.4.
- ↑ Constitución española, 1978, art. 68.3.
Wikimedia Commons tien conteníu multimedia tocante a Congresu de los Diputaos.- Congresu de los Diputaos (en castellanu)
- Reglamentu del Congresu de los Diputaos (en castellanu)