bar.wikipedia.org

Gambia – Boarische Wikipedia

A Koatn vo Gambia.

Gambia, Mandinka: Kambiya ߞߊߡߓߌߦߊ‎, Wolof Gámbi, Fula Gammbi 𞤘𞤢𞤥𞥆𞤦𞤭‎, amtle engl. Republic of The Gambia, is a kloawinzes Land z West Africa[1] u mid Asnoum vo da westlinga Gstodnlinje õnn Atlantik ganz vonn Senegal umschlossn. Es Gambia-Land ligt af de zwoianen Gstodna oda Flußbenk von n untan Laaf von Gambia-Fluß, vo den wou aa da Nama kumt u da wou duach Gambia duache inn Atlantik eine flejsst. Es Land houd a Flechn vo 10 689 km² u nou en Zensus vonn April 2013 a Bvelkaring vo 1 857 181 Leit. Banjul is d Haptstod u grejssta Metropolregion.[2] D grejsstn Stedt han Serekunda u Brikama.[3]

Gambia houd wej vill ondane westafrikanischn Stootn historisch min Menschnhannl z toun ghobt, es wou da Schlisslfaktoa fia s Õleng u Pfoltn vo da Koloni Gambia River gweng is, ejascht duach d Portugisn, u spada duach d Britn, dej wou en 25. Mai 1765[4] Gambia i s Britischa Reich eiglidat u d Gambia Colony zamst Protektorat grindt hom. 1965 houd Gambia d Unohangekait unta da Fejaring vonn Dawda Jawara daglengt, da wou gherscht houd bis nan da Yahya Jammeh in an unblouting Militeaputsch vo 1994 d Macht wegga gnumma houd. Da Adama Barrow is nou da Nidaloḡ vonn Jammeh i d Wohln vonn Dezemma 2016 inn Jenna 2017 da dritt President vo Gambia woan.[5] Da Jammeh houd z ejascht es Dagebnis akzeptiad ghobt, nou owa zrugg gwisn, wos a Vafossingskrisn u miletearischa Intavenziona vo da Wiatschaftsgmoischaft vo d Westafrikanischn Stootn asglejst houd, dej wou nan nou i s Exil pitschiat hom.[6][7][8]

Gambia sa Wiatschaft wiad domaniad vo Landwiatschaft, Fischalwiatschaft u Turismus. Recht vill Leit lem i da Ormatei.[9]

  • Da Albert-Moakt i da Haptstod Banjul.

    Da Albert-Moakt i da Haptstod Banjul.

  • A Moschee

    A Moschee

  • A Koatn vo 1707.

    A Koatn vo 1707.

  • D Ruina vo da James Insl.

    D Ruina vo da James Insl.

  • A Doaf mid Musea za Skloufarei oda zen Menschnhanḏl.

    A Doaf mid Musea za Skloufarei oda zen Menschnhanḏl.

  • D Haptstod Banjul.

    D Haptstod Banjul.

  • Af da 'Sidufastroussn' vo Soma nou Janjanbureh

    Af da 'Sidufastroussn' vo Soma nou Janjanbureh

  • Ban Fischfang.

    Ban Fischfang.

  • D Stoakroas vo Wassu.

    D Stoakroas vo Wassu.

  • Es Abuko Natuaschutzgebejt.

    Es Abuko Natuaschutzgebejt.

  • Da Yahya Jammeh min Barack u Frau inn August 2014.

    Da Yahya Jammeh min Barack u Frau inn August 2014.

  • Expoatproduktt vo 2014.

    Expoatproduktt vo 2014.

  • Da Moakt i Serekunda.

    Da Moakt i Serekunda.

  • A Fischako i Bakau.

    A Fischako i Bakau.

  • D Hotelwiatschaft.

    D Hotelwiatschaft.

  • A Koatn vo da James Insel.

    A Koatn vo da James Insel.

  • A Kou i Gambia.

    A Kou i Gambia.

  • Da Gambia-Fluß.

    Da Gambia-Fluß.

  • A Fern zen iwasetzn.

    A Fern zen iwasetzn.

  • Krokodil i Gambia.

    Krokodil i Gambia.

  • Da Gambiafluß vo om.

    Da Gambiafluß vo om.

  • A Turistnstrouss i Kololi.

    A Turistnstrouss i Kololi.

  • A Strõnd.

    A Strõnd.

  • A Klassnzimma.

    A Klassnzimma.

  1. ↑ Hoare, Ben. (2002) The Kingfisher A-Z Encyclopedia, Kingfisher Publications. S. 11. ISBN 0-7534-5569-2.
  2. ↑ Banjul | national capital, The Gambia.
  3. ↑ Population of Cities in Gambia (2019).
  4. ↑ Hughes, Arnold (2008) Historical Dictionary of the Gambia. Scarecrow Press. S. xx. ISBN 0810862603.
  5. ↑ Wiseman, John A. (2004) Africa South of the Sahara 2004 (33rd edition): The Gambia: Recent History, Europa Publications Ltd. S. 456.
  6. ↑ Yahya Jammeh leaves the Gambia after 22 years of rule , 21 January 2017. 
  7. ↑ Gambia's Yayah Jammeh confirms he will step down. 20 January 2017.
  8. ↑ Former Gambia leader Yahya Jammeh flies into political exile , 22 January 2017. 
  9. ↑ "The Gambia overview", World Bank, archiviad en 5. Juli 2018, afgrouffn en 5. Juli 2018.

Log vo Afrika