Irans - Wikipedia
Straipsnis ėš Vikipedėjės, encikluopedėjės žemaitėškā.
Irana Islama Respublika (seniau - Persėjė) īr valstībė Artėmūsiūs Rītūs, Azėjės pėitvakarėniam šmuotė. Robežios ēn palē Armienėjė, Azėrbaidžiana, Torkmėnistana ė Kaspėjės jūra šiaurie, Afganėstana ė Pakėstana rītūs, Iraka ė Torkėjė vakarūs, Persėjės ilonka ė Omana ilonka pėitūs.
Dabartėis Irans īr terituorėjuo, katra Vakarūs ėlgā vadėnta Persėjė (tēp anūs vadėna senuobės graikā). Šalės nu sena bova vairiausiu nutėkėmu apicentrė, bo šalėmās bova šalīs (arabā pėitūs, Indėjė ė Kėnėjė rītūs, Mesopuotamėjė ė Sėrėjė) torontės ėlgas valstībėngoma tradicėjės.
Irans īr soskėrstīts i 30 provincėju (ostan-ha, vėinaskaituo – ostan).
Iranė sosėmaišė islamėškuojė arabu ė prīšislamėškuojė (zoroastru persu koltūras. Senuobės Persėjės mena, arkitektūras, muoksla prigavėmā soteikė mėlžėnėška duovi arabu svietou ė nemizernā paveikė Euruopas koltūra. Šalės īr žėnuoma sava literatūra.
Irans īr vėina glabnū naptuos eksportoujontiu šaliū, tor narīstė OPEC. Naptuos kasėms leida Iranou nu XX a. aštonta dešimtmetė spierē akanuomėka vīstītė.
Irans nebluogā sotar so daugībė besėvīstontiu šaliū ė Rosėjė. Nu islamėškuosės revoliucėjės santīkē bluogė so JAV, vuo īpatėngā navīkė so Izraelio ė Saudo Arabėjė.