be-tarask.wikipedia.org

Мэсына — Вікіпэдыя

Зьвесткі зь Вікіпэдыі — вольнай энцыкляпэдыі

Мэсы́на (па-італьянску: Messina) — горад на поўдні Італіі. Гэта трэці паводле велічыні горад на востраве Сыцылія і 13-ы ў Італіі. Насельніцтва места складае больш за 219 тысяч жыхароў[1], пры гэтым насельніцтва з прадмесьцямі сягае 650 тысяч чалавек. Горад месьціцца на паўночна-ўсходнім ускрайку Сыцыліі ля Мэсынскай пратоцы, таму места ёсьць важным пунктам на шляху да рэгіёну Калябрыя на мацерыку.

У горадзе месьціцца марскі порт, які зьмяшчае як камэрцыйныя, гэтак і вайсковыя вэрфы. У Мэсыне часта заходзяць круізныя лайнэры. Важнымі сфэрамі эканомікі ёсьць гандаль і сельская гаспадарка. У рэгіёне займаюцца вытворчасьцю віна і вырошчваньнем лімонаў, апэльсінаў, мандарынаў і масьлінаў. Мэсына — цэнтар рымска-каталіцкага арцыбіскупства з 1548 году. У тым жа горадзе Ігнацы Ляёля заклаў у горадзе ўнівэрсытэт.