Вацлаў III — Вікіпедыя

З Вікіпедыі, свабоднай энцыклапедыі

Вацлаў III
чэшск.: Václav III.
кароль Венгрыі 1301 — 6 снежня 1305 (пад імем Ласла V)
Каранацыя	27 жніўня 1301, Секешфехервар
Папярэднік	Андраш III
Пераемнік	Бела V (Атон Баварскі)
Кароль Чэхіі 21 чэрвеня 1305 — 4 жніўня 1306
Папярэднік	Вацлаў II
Пераемнік	Генрых Харутанскі
Кароль Польшчы 21 чэрвеня 1305 — 4 жніўня 1306
Каранацыя	не каранаваны
Папярэднік	Вацлаў II Чэшскі
Пераемнік	Уладзіслаў I Лакеток
Нараджэнне	6 кастрычніка 1289 Прага, Каралеўства Багемія[1]
Смерць	4 жніўня 1306 (16 гадоў) Оламаўц, Каралеўства Багемія[2][1]
Месца пахавання	невядома
Род	Пржэмысловічы
Бацька	Вацлаў II[2]
Маці	Юдыта Габсбург[d][2]
Жонка	Віола Тэшынская[d][3]
Дзеці	Эльжбэта[d]
Медыяфайлы на Вікісховішчы

Вацлаў III Пржэмысловіч (чэшск.: Václav III., венг.: Vencel, польск.: Wacław), (6 кастрычніка 1289 — 4 жніўня 1306, Оламаўц, Маравія) — кароль Венгрыі з 1301 па 6 снежня 1305 (каранацыя 27 жніўня 1301 у Секешфехервары, пад імем Ласла V), кароль Чэхіі з 21 чэрвеня 1305 (пад імем Вацлава III), князь Польшчы c 21 чэрвеня 1305 (пад імем Вацлава III).

Вацлаў III быў сынам Вацлава II, караля Чэхіі і Польшчы, і Юдзіты, дачкі імператара Рудольфа I Габсбурга, апошні з роду Пржэмысловічаў.

У 1301 годзе яго бацька адмовіўся ад венгерскай кароны на яго карысць. 27 жніўня 1301 года Вацлаў быў каранаваны пад імем Ладзіслава V (ці па-венгерску Ласла). У той момант Венгрыя фактычна ўяўляла сабой некалькі княстваў, і каралём яго прызналі толькі кіраўнікі зямель, якія адпавядаюць сучасным Славакіі (Матуш Чак і Аба), Бургенланду і сталіцы Будзе.

У 1303 Аба і Чак вырашылі перайсці на бок Карла Роберта Анжуйскага. Вацлаў заклікаў на дапамогу свайго бацьку. Прыбыўшы з Прагі з вялікай арміяй бацька ўзяў цвёрды кантроль над Будай, але, ацаніўшы сітуацыю на месцы, ён забраў сына і карону і вярнуўся ў Чэхію.

Пасля смерці бацькі Вацлаў вырашыў адмовіўся ад венгерскай кароны на карысць Атона III, герцага Ніжняй Баварыі, (6 снежня 1305). У 1307 годзе Атон патрапіў у палон і ў 1308 годзе адрокся ад кароны на карысць Карла Роберта.

У 1305 годзе Вацлаў III ажаніўся з дачкой тэшынскага князя Мешка I, Віёле Елізавеце з дынастыі Пястаў. 4 жніўня 1306 года забіты пры загадкавых акалічнасцях у Оламаўцы, падчас падрыхтоўкі да паходу ў Польшчу.

Зноскі