Рабат — Вікіпедыя

З Вікіпедыі, свабоднай энцыклапедыі

Рабат الرباط Краіна  Марока Каардынаты 34°01′31″ пн. ш. 6°50′10″ з. д.HGЯO Заснаваны 1146 Плошча 118 ± 1 км² Вышыня цэнтра 75 м Водныя аб’екты Рака Бу-Рэгрэг і Атлантычны акіян Насельніцтва 1 622 860 чалавек (2004) Часавы пояс UTC+1 Тэлефонны код 537 Паштовыя індэксы 10000–10220 Афіцыйны сайт rabat.ma (фр.) Рабат на карце Марока

Медыяфайлы на Вікісховішчы

Рабат (араб. الرباط‎‎) — сталіца і адзін з самых вялікіх гарадоў Марока, размяшчаецца на захадзе краіны, на ўзбярэжжы Атлантычнага акіяна ў вусці ракі Бу-Рэгрэг. Насельніцтва налічвае 1,7 млн чалавек.

У 1150 паблізу антычнага паселішча Сале Альмахады пабудавалі крэпасць, якая стала ядром умацаванага паселішча і базай для ваенных экспедыцый арабаў у Андалусію.

З XVII ст. пачалося хуткае развіццё горада ў выніку масавага перасялення сюды з Іспаніі андалускіх мусульман (маўраў) — умелых рамеснікаў, гандляроў і мараплаўцаў. З 1666 Рабат у складзе шэрыфскай дзяржавы Алаўітаў. У XIX ст. важны палітычны і эканамічны цэнтр Марока. У 1912—1956 Рабат — адміністрацыйны цэнтр французскай зоны пратэктарату. У 1930—1950-я цэнтр нацыянальна-вызваленчай барацьбы.

З 1956 сталіца незалежнага Марока.

• Рабат // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 181—182. — 10 000 экз. — ISBN 985-11-0035-8. — ISBN 985-11-0216-4 (т. 13).

• На Вікісховішчы ёсць медыяфайлы па тэме Рабат