Трапані (правінцыя) — Вікіпедыя

З Вікіпедыі, свабоднай энцыклапедыі

Трапані
Герб Сцяг
Краіна	Італія
Уваходзіць у	Сіцылія
Адміністрацыйны цэнтр	Трапані
Дата скасавання	4 жніўня 2015
Плошча	2 469,62 км²
Часавы пояс	UTC+1 і UTC+2
Тэлефонны код	0923 і 0924
Паштовыя індэксы	91100 і 91010–91029
Код аўтам. нумароў	TP
Афіцыйны сайт
Медыяфайлы на Вікісховішчы

Тра́пані (італ.: Provincia di Trapani) — правінцыя ў Італіі, у вобласці Сіцылія. Мяжуе з правінцыямі Палерма і Агрыджэнта. Знаходзіцца на паўночным захадзе вострава Сіцылія і Эгадскіх астравах. Мае працяглую берагавую лінію, якая абмываецца Тырэнскім морам.

5 мая 1860 года Джузэпэ Гарыбальдзі разам з 1200 добраахвотнікамі высадзіўся ў порце Марсалы ў Трапані, з чаго і пачалося аб’яднанне Італіі, якое прывяло да ўзнікнення адзінай Італіі новага часу.

Гістарычна правінцыя была вядома здабычай солі, рыбалоўствам, пасля — рыбакансервавай прамысловасцю. Як і ўсюды на поўдні Італіі, асновай эканомікі была сельская гаспадарка. У сучаснай эканоміцы мае значэнне турызм і банкаўская справа. У горадзе Марсала развіта вінаробства, мукамольная і макаронная вытворчасць, апрацоўка кары коркавага дрэва.

У Трапані знаходзіцца невялікі аэрапорт Вінчэнца Флорыа Трапані—Бірджы — грамадзянскі, але выкарыстоўваецца таксама і для ваенных патрэб.

Парты — Трапані і Марсала.