Biz - Wikipedia

---

Ar biz a lavarer eus pep hini eus ar pemp ezelig a zo e penn pep dorn.

E penn pep biz ez eus un ivin. Troc'hañ an ivinoù a ranker ober bep an amzer.

Evit bizied an treid, sellout ouzh ar pennad biz-troad.

Pa vez poan en ur biz e lavarer ez eus ur bizad. A bep seurt bizadoù zo. Ar veskoul a vez graet eus unan anezho.
A-wechoù ivez e c'hall un ulmenn, pe ur skiltrenn, mont e-barzh ar biz, ha neuze e ranker he zennañ, panevet da se e koeñv ar biz. C'hoarvezout a ra d'an drein mont e-barzh bizied al liorzherien pa ne wiskont ket manegoù.

• Ar biz warn-ugent a lavarer a-wechoù eus kalc'h ar wazed.
• Bizied a lavarer ivez eus pavioù ar c'hranked pe al legistri.
• Bizied a lavarer ivez eus begoù lemm binvioù zo: ferc'hier, rastelloù, an heskennoù.
• Bizied a lavarer eus ar seurt nadozioù a zo ouzh an horolajoù hag eurierioù.
• Bizied ar gernez a vez lavaret eus un den pizh.

• Diskouez un den gant e viz n'eo ket brav d'ober.
• An hini a gouezh e viz en e zorn a zo dipitet.
• Ober biz da un den a zo kement ha gourdrouz anezhañ.
• An hini a vez e viz er wask ne vez ket en e vleud
• An hini a zo moan e vizied a zo gwall bizh
• An hini a zo kamm, pe kromm e vizied a zo laer.
• Poazhañ, skaotañ, e viz(ied) a zo kement ha faziañ .
• Lienañ ar biz kontrol a zo kement ha faziañ.

Gwalennoù a vez lakaet ouzh ar bizied gant tud zo, ha darn a laka ouzh pep biz zoken.