br.wikipedia.org

Meud - Wikipedia

Ar biz-meud
Ar meud gant ar c'hizeller gall César Baldaccini, e 1963

Ar meud, pe biz-meud, lesanvet morzhol al laou, eo ar biz berrañ ha tevañ. N'eus nemet daou oeñs dezhañ. Ar biz nemetañ eo a c'hall dont dirak ar bizied all da stardañ un dra bennak etrezo.

Meud-troad a vez laret eus biz tevañ an troad.

  • Ur meudad eo pezh a gemerer gant ur meud.
  • Ur meudad zo ivez poan er meud.
  • Meudata un danvez a vez graet da c'houzout pegen talvoudus eo .
  • Ur meutad (ha n'eo ket ur meudad) a zo un unanenn hed a wechall, hag a dalv kement ha 2,5 cm.
  • Meudig, ur gontadenn-bobl, adskrivet gant Charles Perrault e-barzh Les Contes de ma Mère l'Oye .
  • Un den meudek a zo amparfal, diampart.
  • C'hoari biz-meud a vez lavaret eus sevel ar biz-meud d'ober sin d'ar vleinerien da chom a sav evit kaout sav diganto.
  • Debriñ un dra bennak dindan e veud a zo debriñ un dra bennak war un tamm bara, dalc'het gant ar meud, da lavarout eo debriñ buan, hep koazezañ, hep ober ur gwir bred ouzh taol.
  • Kouezhañ e veud en e zorn a zo bezañ disouezhet pe dipitet.
  • Un tamm kig dindan e veud A lak an den en e vleud.