William Tecumseh Sherman - Wicipedia

William Tecumseh Sherman
Ganwyd	8 Chwefror 1820  John Sherman Birthplace
Bu farw	14 Chwefror 1891  o niwmonia  Dinas Efrog Newydd
Dinasyddiaeth	Unol Daleithiau America
Alma mater	Academi Filwrol yr Unol Daleithiau
Galwedigaeth	swyddog milwrol, cyfreithiwr, banciwr, llenor
Swydd	United States Secretary of War, aelod o fwrdd, aelod o fwrdd
Cyflogwr	Prifysgol Talaith Louisiana
Plaid Wleidyddol	plaid Weriniaethol
Tad	Charles Robert Sherman
Mam	Mary Hoyt
Priod	Eleanor Boyle Ewing Sherman
Plant	Eleanor Sherman Thackara, Thomas Ewing Sherman, William Tecumseh Sherman
llofnod

Milwr, gŵr busnes, addysgwr ac awdur o'r Unol Daleithiau oedd William Tecumseh Sherman (8 Chwefror 1820 - 14 Chwefror 1891).

Ganed ef yn Lancaster, Ohio, yn fab i gyfreithiwr llwyddiannus. Enwyd ef ar ôl Tecumseh, pennaeth enwog y Shawnee. Gwasanaethodd fel cadfridog ym myddin y Gogledd yn Rhyfel Cartref America. Gwasanaethodd dan y Cadfridog Ulysses S. Grant yn 1862 a 1863, yn ystod y brwydrau a arweiniodd at gipio Vicksburg ar Afon Mississippi a gorchfygu byddinoedd y De yn nhalaith Tennessee. Yn 1864, dilynodd Grant fel arweinydd byddin y Gogledd yn y gorllewin. Llwyddodd i gipio dinas strategol bwysig Atlanta. Ystyrid hyn yn arwydd fod buddugolaeth y Gogledd ar y gorwel, a gwnaeth lawer i sicrhau ail-etholiad Abraham Lincoln fel Arlywydd yr un flwyddyn. Wedi hyn, dechreuodd Sherman ar ymgyrch trwy dalaith Georgia a De a Gogledd Carolina, gan greu cymaint o ddifrod nes amharu'n ddifrifol ar allu'r de i barhau'r rhyfel. Yn Ebrill 1865, ildiodd holl fyddinoedd y de yn Georgia, y ddwy Carolina a Florida iddo.

Pan ddaeth Grant yn Arlywydd, olynodd Sherman ef fel arweinydd byddin yr Unol Daleithiau. Yn y swydd yma, bu'n gyfrifol am y rhyfeloedd yn erbyn y brodorion yng ngorllewin yr Unol Daleithiau. Yn 1875, cyhoeddodd Memoirs, un o'r llyfrau mwyaf adnabyddus i ddeillio o'r Rhyfel Cartref.