Karmel (montaro) - Vikipedio

El Vikipedio, la libera enciklopedio

(Alidirektita el Monto Karmel)

Karmel
Arbarkovritaj deklivoj de montaro Karmel
montara sistemo
Alteco	564 m
Longo	23 km
Geografia situo	32° 40′ N, 35° 1′ O (mapo)32.672535.023333333333Koordinatoj: 32° 40′ N, 35° 1′ O (mapo)
Situo de Karmel
Karmel
v • d • r

Karmel estas marborda montaro en Israelo apud la Mediteranea Maro. Tie situas la urbo Ĥajfo kaj kelkaj pli malgrandaj urbetoj, kiel Neŝer kaj Tirat Karmel. Ĝia plej alta pinto havas altecon de 564 m. s.m.

Laŭ la Biblio, sur Karmel okazis mirakloj dum konkurso inter Baal kaj la izraelida dio, post kiu la profetoj de Baal estis mortigitaj laŭ la ordono de la profeto Elija.

Dum la 12-a jarcento sur Karmel fondiĝis rom-katolika religia ordeno, la Karmelidoj. La ordeno kreskis esti unu el la plej grandaj katolikaj ordenoj en la mondo. Karmelidaj tradicioj sugestas, ke komunumo de judaj ermitoj loĝis sur Karmel ekde la tempo de Elija, kvankam ankoraŭ ne ekzistas dokumenta aŭ arĥeologia pruvo tiurilate.

La maŭzoleo de la Báb situas ĉe la marflanko de Karmel meze de la bahaaj terasoj. Ankaŭ troviĝas tie aro da bahaaj administraj konstruaĵoj, kiu nomiĝas "la Arko". Tial Monto Karmel estas tre grava loko por bahaanoj.

• madono de Monto Karmelo

• La Karmel, spirita lumturo por la homaro tra la tempoj de Éric Coffinet el precipe bahaa perspektivo (esperante)