Nekoř - Vikipedio
El Vikipedio, la libera enciklopedio
| Nekoř | ||
| germane Nekorsch | ||
| municipo | ||
Nekoř | ||
|
||
| Oficiala nomo: Nekoř | ||
| Ŝtato |  Ĉeĥio
| |
|---|---|---|
| Regiono | Regiono Pardubice | |
| Distrikto | Distrikto Ústí nad Orlicí | |
| Administra municipo | Králíky | |
| Historia regiono | Bohemio | |
| Montaro | Suborlica montetaro | |
| Valbaraĵo | Pastviny | |
| Rivero | Divoká Orlice | |
| Situo | Nekoř | |
| - alteco | 475 m s. m. | |
| - koordinatoj | 50° 03′ 39″ N 16° 33′ 02″ O / 50.06083 °N, 16.55056 °O (mapo) | |
| Areo | 10,94 km² (1 094 ha) | |
| Loĝantaro | 983 (2024) | |
| Denseco | 89,85 loĝ./km² | |
| Unua skribmencio | 1355 | |
| Horzono | MET (UTC+1) | |
| - somera tempo | MET (UTC+2) | |
| Poŝtkodo | 561 63 | |
| NUTS 3 | CZ053 | |
| NUTS 4 | CZ0534 | |
| NUTS 5 | CZ0534 580686 | |
| Katastraj teritorioj | 1 | |
| Partoj de municipo | 3 | |
| Bazaj setlejunuoj | 1 | |
  Situo enkadre de Ĉeĥio | ||
 Vikimedia Komunejo: Nekoř
| ||
| Retpaĝo: www.nekor.cz | ||
 Portalo pri Ĉeĥio
|
Nekoř estas municipo situanta en Ĉeĥio, regiono Pardubice, distrikto Ústí nad Orlicí en cismontaro Orlica montaro apud fluo de rivero Divoká Orlice (Sovaĝa Orlice), sude de valbaraĵo kaj hidroelektra centrejo Pastviny. En la vilaĝo estas pli malgranda akvujo, kies tasko estas stabiligi flukvanton sub la centrejo. Vivas ĉi tie 983 loĝantoj (2024). Al la vilaĝo apartenas ankaŭ vilaĝoj Bredůvka kaj Údolí.
La najbaraj municipoj de la setlejo estas Mistrovice, Líšnice, Letohrad, Sobkovice, Šedivec, Studené, Pastviny kaj Lukavice.
La tempon de la fondo de Nekoř ne eblas precize konstati. En fora pasinteco en ĉirkaŭrivera regiono de Divoká Orlice etendiĝis arbaroj. La tuta regiono apartenis en la 10-a jarcento al familio de Slavníkidoj, post ties pereigo al familio de Vršovcidoj kaj en la jaroj 1253 - 1278 al Přemysl Otakar la 2-a. Tiu ĉi reganto igis forhaki la arbarojn en konvenaj lokoj fondante vilaĝojn, kiujn li plejparte loĝigis de germanaj metiistoj, al kiuj li por longa tempo certigis avantaĝojn kaj privilegiojn.
Historie unuafoje Nekoř estas menciata en priskribo de Praga diocezo inter la jaroj 1344 - 1350. La historio de Nekoř estas propre la historio de Žampacha sinjorujo, al kiu Nekoř apartenis.
La vilaĝo havas nun plejparte agrikulturan karakteron. La tutan trionon de la vilaĝo kreas objektoj por refreŝigado. Nekoř estas por sia ĉelima situo elserĉata de turistoj por ekskursoj en Pollandon.
Evoluo de nombro de loĝantoj
La datoj devenas el datumbazo de Vikidatumoj
| Jaro | Loĝantoj |
|---|---|
| 1869 | 1 758 |
| 1880 | 1 852 |
| 1890 | 1 942 |
| 1900 | 1 670 |
| 1910 | 1 851 |
| 1921 | 1 660 |
| Jaro | Loĝantoj |
|---|---|
| 1930 | 1 409 |
| 1950 | 1 014 |
| 1961 | 1 070 |
| 1970 | 976 |
| 1980 | 947 |
| 1991 | 871 |
| Jaro | Loĝantoj |
|---|---|
| 2001 | 895 |
| 2011 | 909 |
| 2014 | 933 |
| 2016 | 933 |
| 2017 | 946 |
| 2018 | 946 |
| Jaro | Loĝantoj |
|---|---|
| 2019 | 937 |
| 2020 | 948 |
| 2021 | 925 |
| 2022 | 954 |
| 2023 | 977 |
| 2024 | 983 |
Baroka preĝejo de Sankta Nikolao estis konstruita en la jaro 1698 koste de grafo Karel Kolovrat Libštejnský. Ĝi situas meze de la tombejo ĉirkaŭ kiu estas barila muro. Blazono de familio Kolovrat estas ĝis nun super la portalo. La preĝejo estas ununava oblonga kun duoncirkle fermita presbiterejo, kun prisma turo antaŭ la okcidenta fronto. Vandoj de la navo estas membrigitaj per arkadoj. La navo estas platplafona, la presbiterejo estas volbita barele kun segmentoj.
Ekipaĵo estas rokoka el tempo ĉirkaŭ la jaro 1760. Sur ĉefaltaro estas bildo de Sankta Nikolao pentrita de Johano Worliček el la jaro 1846. Sur flankaj altaroj estas bildoj de Sankta Anna kaj Sankta Johano Nepomuka de J. Umlaf el la jaroj 1888 kaj 1890. En tombejo estas kripto de H. Schiktanz kun reliefo de B. Kafka el la jaro 1901.
Duetaĝa paroĥestrejo el tempo ĉirkaŭ la jaro 1800 troviĝas apud la preĝejo. Interne estas granda kalvaria vojo, repliko de kalvaria vojo el Kunvald, originaj bildoj el preĝejaj altaroj de Sankta Anna kaj Sankta Johano Nepomuka, bildoj Adorado de Tri Reĝoj kaj Naskiĝo de la Sinjoro.
La preĝejo estas moderna konstruaĵo el tridekaj jaroj de la 20-a jarcento.
- Kalvario el la jaro 1811,
- Sankta Johano Nepomuka el la jaro 1724 situas apud ponto trans rivero Orlice
- Sankta Triunuo estas el la jaro 1818
- Sankta Triunuo ĉe vojkruciĝo en Bredůvka devenas el la jaro 1847
- Oriente de la preĝejo en kampoj troviĝas sabloŝtona kruco, starigita de familio Hubálek en la jaro 1892. Korpuso de Kristo mankas.
