Virtembergo - Vikipedio

El Vikipedio, la libera enciklopedio

1. Reĝlando Virtembergo 2. Respubliko Virtembergo
Origina nomo:
1. Königreich Württemberg 2. Freier Volksstaat Württemberg
←  1806 – 1945  →
ŝtato de la Sankta Romia Imperio • historia regiono
Geografio
Ĉefurbo:	Stutgarto
Areo:	19,508 km²
Loĝantaro
Kvanto de loĝantoj:	2 437 574 (1910)
Nacia konsisto:	germanoj (ĉefe ŝvaboj)
Lingvoj:	germana
Religio:	protestantismo (ĝis 1803 oficiala), ekde 1803 ankaŭ romkatolikismo
Ŝtat-strukturo
Ŝtat-strukturo:	1806-1918 monarĥio, 1918-1945 respubliko. Ekde 1871 membroŝtato de la Germana Regno
Patrina lando:	Germana Regno
Estiĝo:	Viena Kongreso, rangaltiĝo al reĝlando
Pereo:	1945 dividita, 1952 kunigita kun Badeno al Baden-Virtembergo
Antaŭaj ŝtatoj: duklando Virtembergo Postsekvaj ŝtatoj: Baden-Virtembergo Elstaraj historiaj eventoj Diplomatiaj rilatoj Germana Regno
v • d • r

Virtembergo (foje nomata "Virtembergio", laŭ PIV "Vurtembergo"), germane Württemberg, estas historia teritorio en sudokcidenta Germanio kun la ĉefurbo Stutgarto. Ekde la 12-a jarcento ĝis 1495 ĝi estis graflando de la Sankta Romia Imperio, poste duklando. En 1806 ĝi estis rangaltigita al reĝlando kaj membris en la Rejna Federacio. Ekde 1871 ĝi estis membro-ŝtato de la Germana Imperiestra Regno. En la Novembra Revolucio 1918 ĝi estis deklarita Freier Volksstaat Württemberg = "Libera Popola Ŝtato Virtembergo" = "Respubliko Virtembergo", kiel lando de la Vajmara Respubliko. En 1945 ĝi estis dividita en la du partojn Württemberg-Baden (kune kun la norda parto de Badeno) kaj Württemberg-Hohenzollern. En 1952, la tri landoj Badeno, Württemberg-Baden kaj Württemberg-Hohenzollern estis unuigitaj al la nuna federacia lando Baden-Virtembergo.

• 1806-1816 Frederiko la 1-a, reĝo
• 1816-1864 Vilhelmo la 1-a, reĝo
• 1864-1891 Karolo la 1-a, reĝo
• 1891-1918 Vilhelmo la 2-a, reĝo

• duklando Virtembergo (1495 ĝis 1805)