eu.wikipedia.org

Embeltran kalea - Wikipedia, entziklopedia askea.

Wikipedia, Entziklopedia askea

Embeltran kalea

Donostia, Parte Zaharra
Embeltran kalea, Antzoki Zaharra atzean.
Herrialdea
Lurraldea 		 Euskal Herria
 Gipuzkoa

Embeltran kalea is located in Euskal Herria

Embeltran kalea

Embeltran kalea

Embeltran kalea is located in Gipuzkoa

Embeltran kalea

Embeltran kalea

Embeltran kalea is located in Donostiako Parte Zaharra

Embeltran kalea

Embeltran kalea
Koordenatuak: 43°19′21.4″N 1°59′06.0″W / 43.322611°N 1.985000°W

Embeltran kalea Donostiako Parte Zaharreko kale bat da. Kale Nagusitik Narrika kalearaino doa.

"Embeltran" izenak jatorri gaskoia du. Jakina denez, Donostiak gaskoi populazio garrantzitsua izan zuen, eta bertako toponimian aztarna ugari utzi zuten Gaskoieraz "Em" partikulak "jauna" esan nahi du; beraz, Embeltran izenak "Beltran jauna" edo "Don Beltran" esan nahi du. [1]

Zalantza da zein zen Beltran Jaun hori. Serapio Muxikak harresiaren "Beltran jaunaren Kuboaren" 1542ko erreferentzia jaso zuen. Kubo hori Zurriola aldean zegoen kokatuta, geroago Amezketako Kuboak ordeztu zuena. Beltran hori Beltran de la Cueva, Alburquerqueko dukea, izan daiteke. De la Cueva 1522an Gipuzkoako Jeneral Gorena zen eta San Martzialgo gudua irabazi zuen. Kalearen izena izan daiteke bertan bera bizi zelako ala berak kubo hori egiteko agindua eman zuelako.[2]

Oso kale zaharra da. 1566ko erroldan eta 1630eko Ordenantzetan agertu zen. 1722 izena beste kale bati eman zitzaion baina Plaza Berria egiteko desegin zuten. XVIII. mendean gaur egungo kaleari eman zitzaion; mende horretan kalea konpondu zen, horretarako Erregearen Probestuaren etxartea desageraraziz.

XX. mendeko amaieran kaleko 3. zenbakian, etxeko zorupean eginiko arkeologia indusketa batean berandu Erdi Aroaren Probestu izan zen Miguel Martínez de Engómez leinuaren etxea[3] aurkitu zen. Bertan, material arkeologiko ugarirekin, Erdi Arotik aldatu gabe iraun duen sekuentzia estratigrafiko baten erregistroa aurkitu zen.