Antonio Vázquez Queipo - Wikipedia, a enciclopedia libre

Antonio Vázquez Queipo

Biografía
Nacemento	8 de outubro de 1840 Cuba
Morte	13 de marzo de 1900 (59 anos) Madrid, España
Senador de España
Actividade
Ocupación	político, avogado
Familia
Pai	Vicente Vázquez Queipo

Para outras páxinas con títulos homónimos véxase: Antonio Vázquez.

Antonio Vázquez-Queipo Coste, nado en Cuba o 8 de outubro de 1840 e finado en Madrid o 13 de marzo de 1900, foi un avogado e político galego.

Fillo de Vicente Vázquez Queipo. Cursou a carreira de Dereito en Madrid ata o doutoramento. En 1864 regresou a Cuba, onde desempeñou os cargos de Tenente Fiscal da Audiencia da Habana, Asesor Letrado do Tribunal de Comercio de Cuba e Síndico Primeiro do Concello da Habana. Tamén foi conselleiro do Banco de España da Habana. Foi elixido deputado a Cortes polo distrito de Quiroga nas eleccións de 1879, volveu ser elixido deputado a Cortes polo distrito da Habana nas eleccións de 1886. Foi senador pola provincia de Porto Rico de 1881 a 1884, senador pola provincia de Puerto Príncipe de 1884 a 1886 e senador vitalicio dende 1889.

Foi condecorado coa Gran Cruz de Isabel A Católica.

• As Placas conmemorativas de Enrique Mayer Castro (III): Antonio Vázquez Queipo