Brasilia - Wikipedia, a enciclopedia libre

Na Galipedia, a Wikipedia en galego.

Brasilia

Brasília (pt-br)
Himno	Hino a Brasília
Lema	«Venturis ventis»
Epónimo	Brasil
Localización
15°47′38″S 47°52′58″O / -15.7939, -47.8828
Estado	Brasil
Distrito federal	Distrito Federal
Capital de	Distrito Federal República Nova (1960–) Brasil (1960–)
Poboación
Poboación	2.789.761 (2013) (480,83 hab./km²)
Xeografía
Superficie	5.802 km²
Bañado por	Río Paranoá e Lago Paranoá
Altitude	1.171 m
Creación	21 de abril de 1960
Santo padrón	Xoán Bosco e Nosa Señora da Concepción Aparecida
Organización política
Membro de	Organización das Cidades do Patrimonio Mundial União das Cidades Capitais Luso-Afro-Américo-Asiáticas (1986–) Rede de cidades creativas (2017–)
Identificador descritivo
Código postal	70000–70999
Fuso horario	UTC−03:00
Prefixo telefónico	061
Código de concello do Brasil	5300108
Outro
Irmandado con	Buenos Aires Lima Luxor ../... 26+
Patrimonio da Humanidade
Tipo	Patrimonio cultural  → América Latina-Caribe
Data	1987 (11ª Sesión), Criterios de Patrimonio da Humanidade: (i) e (iv)
Identificador	445
Sitio web	brasilia.df.gov.br

Brasilia^[1] (en portugués: Brasília) é a capital federal do Brasil e sede do goberno do Distrito Federal. Foi planeada polos arquitectos brasileiros Oscar Niemeyer e Lúcio Costa. O trazado de rúas na parte planeada (chamada plano piloto) obedece a un plano ríxido trazado polos dous arquitectos. Foi inaugurada o 21 de abril de 1960 polo presidente brasileiro Juscelino Kubitschek de Oliveira. Está situada na Rexión Centro-Oeste, case no centro xeográfico do Brasil. É un exemplo de Distrito Federal, ou sexa, unha cidade escollida para ser capital dun país organizado baixo a forma de federación como é o Brasil. Así, non se subordina ao veciño estado de Goiás, non está dividido en municipios, e tampouco é capital de ningunha outra unidade da federación (estado) brasileira. O seu administrador non recibe o título de prefeito, pero si o de governador (gobernador).

A principal función de Brasilia é administrativa, pero axudou a poboar o interior brasileiro. Dela parten estradas como a Belém-Brasilia (cara ao norte) e Brasilia-Acre (cara á fronteira co Perú e Bolivia). Está a 920 km da cidade do Río de Xaneiro e a 1.015 km de São Paulo.

A cidade creceu máis do planeado polos seus creadores. Polo seu proxecto, debía ter 500 mil habitantes como máximo. Malia isto, en 2013 a cidade xa contaba con case tres millóns de habitantes. A poboación máis pobre (no principio, os traballadores que a construían; despois outros inmigrantes de varias rexións do Brasil) foi morar en Cidades-Satélite. Algúns exemplos destas cidades son Taguatinga, Guará, Gama e Ceilândia.

O Índice de Desenvolvemento Humano na cidade é de 0'936, alcanzando o nivel dun país desenvolvido, e a taxa de analfabetismo do 4'35% aproximadamente.

Os principais museos da cidade están situados no Eixo monumental, entre eles o Museo Nacional da República.

• Universidade de Brasilia (Universidade de Brasília — UnB)
• Universidade Católica de Brasilia (Universidade Católica de Brasília — UCB)
• Instituto Científico de Ensinanza Superior e Enquisa (Instituto Científico de Ensino Superior e Pesquisa - UNICESP)
• Centro Universitario de Brasilia (Centro Universitário de Brasília — UniCEUB)
• Centro Universitario do Distrito Federal (Centro Universitário do Distrito Federal — UniDF)
• Centro Universitario Euroamericano (Centro Universitário Euroamericano — UNIEURO)
• Instituto de Educación Superior de Brasilia (Instituto de Educação Superior de Brasília — IESB)
• Unión Pioneira de Integración Social (União Pioneira da Integração Social — UPIS)
• Universidade Paulista (Universidade Paulista — UniP)

• 

  Centro urbano

• 

  Eixo Monumental

• 

  Catedral de Brasilia

• Páxina do Goberno de Brasília (en portugués).
• Universidade de Brasília.