Década de 720 - Wikipedia, a enciclopedia libre

Na Galipedia, a Wikipedia en galego.

720

• O valí musulmán Al-Samh toma as cidades de Perpiñán e Narbona, na Septimania.

Arte e cultura

• Redáctase o Nihongi, libro que contén a tradición shinto xaponesa, e que completa o Kojiki.

721

• 9 de xuño: batalla de Tolosa, preto da cidade homónima. O duque franco Eudes de Aquitania rexeita o ataque do valí musulmám Al-Samh, que morre no combate.
  • Eudes fracasa no intento por recobrar Narbona, en mans musulmás desde o ano anterior.

722

• Batalla de Covadonga.

723

• O misioneiro anglosaxón Winfrid – despois chamado San Bonifacio, Apóstolo dos Xermanos – predicando entre os catos, derrubou a súa árbore sagrada, o Carballo de Thor, preto de Fritzlar, como parte dos seus esforzos para rematar a conversión ao cristianismo dos catos e as outras tribos xermánicas setentrionais.
• Fundación de Katmandú.

724

• Hisham ibn Abd al-Malik nomeado Califa omeia de Damasco (m. 743).
• Shomu sobe ao trono imperial xaponés. Sucede a Gensho.
• Transamundo rebélase contra Faroaldo II e, tras mandalo a un convento, convértese en novo duque de Spoleto.

725

• Os musulmáns toman a cidade de Carcasona, na Septimania.
  • 22 de agosto - Tropas islámicas saquean a cidade de Autun, no corazón de Francia.

726

• O emperador bizantino León III comeza a promulgación dunha serie de edictos contra a adoración de imaxes, dando lugar ás disputas iconoclastas, que habían durar ata 787.
• Paulo sucede a Escolástico como exarca de Rávena.

727

• Unha coalición formada polos longobardos, o papa Gregorio II e certas cidades italianas rebélanse contra o emperador bizantino León III polos seus decretos iconoclastas.

728

• Liutprando, rei dos longobardos, conquista a maior parte do exarcado de Rávena, deixando só a capital.

729

• Gregorio II, Papa da Igrexa católica, convoca un concilio contra os iconoclastas.