Departamentos do Salvador - Wikipedia, a enciclopedia libre

Na Galipedia, a Wikipedia en galego.

O territorio do Salvador está repartido en 14 entidades subnacionais de primeira orde denominadas departamentos. Os departamentos son rexidos por un gobernador departamental, nomeado polo Presidente.

No Artigo 6 da primeira Constitución do Estado do Salvador (denominado Estado del Salvador), decretado pola primeira Asemblea Constituínte do Estado, o 12 de xuño de 1824, dividiuse o territorio do Estado en 4 departamentos: San Salvador, Sonsonate, San Vicente e San Miguel. A Constitución atribuíu o fixamento dos límites departamentais ao Congreso do Estado, estableceu un Consello representativo composto dun representante por cada departamento elixido polos seus respectivos pobos e estableceu o cargo de Xefe Político Intendente nomeado polo Xefe do Estado e a cuxo cargo estaba o goberno político e de facenda do departamento.^[1]

O 4 de setembro de 1832, emitiuse o Regramento de Xefes Políticos, Municipalidades e Alcaldes. Este regramento estableceu límites e xurisdicións para os Departamentos e regrou o cargo de Gobernador departamental.

A Constitución emitida o 18 de febreiro de 1841 estableceu o cargo de Gobernador, nomeado polo Poder Executivo. A Constitución tamén estableceu dúas Cámaras Lexislativas, unha de Senadores e outra de Deputados, cada Departamento de 30 000 habitantes elixiría un Senador propietario e un suplente para a súa representación.^[2]

Departamento	Código ISO	Área (km²)	Poboación (2013)[3]	Densidade de poboación (hab/km²)	Capital	Escudo	Bandeira
Ahuachapán	SV-AH	12.396	333.406	269	Ahuachapán
Cabañas	SV-CA	11.035	164.945	1.495	Sensuntepeque
Chalatenango	SV-CH	20.166	204.808	1.016	Chalatenango
Cuscatlán	SV-CU	7.562	252.528	3.339	Cojutepeque
La Libertad	SV-LI	16.529	747.662	4.523	Santa Tecla
Morazán	SV-MO	14.474	199.519	1.378	San Francisco Gotera
La Paz	SV-PA	12.236	328.221	2.682	Zacatecoluca
Santa Ana	SV-SA	20.232	572.081	2.828	Santa Ana
San Miguel	SV-SM	20.771	478.792	2.305	San Miguel
San Salvador	SV-SS	8.862	1.740.847	19.644	San Salvador
San Vicente	SV-SV	1.184	174.561	1.474	San Vicente
Sonsonate	SV-SO	12.252	463.732	3.785	Sonsonate
La Unión	SV-UN	20.743	263.271	1.269	La Unión
Usulután	SV-US	21.304	366.040	1.718	Usulután

Os departamentos do Salvador subdivídense en municipios. Ten un total de 266 municipios. As súas últimas eleccións celebráronse o 28 de febreiro de 2021.