Dezső Gencsy - Wikipedia, a enciclopedia libre

Na Galipedia, a Wikipedia en galego.

Dezső Gencsy

Biografía
Nacemento	2 de novembro de 1897 Budapest, Hungría
Morte	8 de abril de 1977 (79 anos) Porto, Portugal
Actividade
Ocupación	futbolista, adestrador de fútbol
Deporte	fútbol
Posición de xogo	Dianteiro
Traxectoria   Equipo – Nemzeti SC 1921–1924 1. FC Saarbrücken 1925–1926 Derthona Foot-Ball Club 1908 1926–1927   Genoa CFC 8 (3)

Dezső Gencsy, nado en Budapest o 2 de novembro de 1897 e finado no Porto o 8 de abril de 1977, foi un futbolista e adestrador húngaro. Xogaba de dianteiro e foi internacional coa selección húngara. Tamén foi un xogador de xadrez de gran nivel.^[1]

Nado en Budapest, comezou nun dos clubs da capital, o NSC Budapest. Xogou alí na segunda división húngara, logrando o ascenso á primeira división na tempada 1918/19. Disputou unha soa tempada na máxima categoría, descendendo de novo a segunda ao remate desta.^[2]

A continuación emigrou a Alemaña, onde comezou xogando durante tres tempadas no FC Saarbrücken, na cidade de Saarbrücken. En 1924 mudouse a Hamburgo e xogou unha tempada no SC Union von 1903.

En 1925 deixou Alemaña e instalouse en Italia, xogando primeiramente nas filas do Derthona FBC, na segunda división, onde acabaron na segunda posición do grupo A. Na tempada seguinte mudouse a Xénova. Debutou co Genoa na Divisione Nazionale, entón a máxima categoría italiana, na tempada 1926/27. O club quedou terceiro no grupo A, e clasificouse para a fase final, na que acabou no cuarto posto. Ao remate desta tempada puxo fin á súa carreira como xogador.

Disputou un só partido coa selección húngara, o 5 de xuño de 1921 contra a selección de Alemaña, entrando como substituto de György Orth.^[3]

Na tempada 1934/35 comezou adestrando o SC Vianense, da localidade portuguesa de Viana Do Castelo, pasando no medio da campaña ao Académico FC do Porto, que disputaba a primeira edición da Primeira Liga portuguesa. Con todo, non puido salvar ao Académico FC, que quedou sétimo e descendeu.

En novembro de 1935 converteuse no novo adestrador do Deportivo da Coruña,^[4] permanecendo no club durante toda a tempada 1935/36 da segunda división española, e rematando na penúltima posición. O club salvouse do descenso pola desaparición do Deportivo Nacional.

Posteriormente volveu a Portugal, onde adestrou o FC Porto, en dúas etapas,^[5] o Famalicão e o Académica de Coimbra.^[1] Instalado no Porto, morreu en abril de 1977.