Fila (empresa) - Wikipedia, a enciclopedia libre

Na Galipedia, a Wikipedia en galego.

Este artigo (ou sección) está desactualizado(a). A información fornecida mudou ou é insuficiente.

Fila
Tipo	Roupa deportiva
Fundación	1911
Localización	Biella, Italia (1911-2007) Seúl, Corea do Sur, (dende 2007)
Fundador	Giansevero Fila
Persoas clave	Yoon Keun-chang (CEO)
Industria	Téxtil
Produtos	Roupa e calzado deportivo
Na rede
fila.com…
[ editar datos en Wikidata ]

Fila é unha compañía italiana de roupa deportiva fundada en Biella (Piemonte, Italia) no 1911.^[1] Dende 2007, a sede está en Seúl e é unha filial de Fila Korea.

Fila fundouse en Biella (Piamonte, Italia) da man de Giansevero Fila no 1911. Orixinalmente fabricaba roupa para os habitantes dos Alpes italianos e actualmente fabrica roupa deportiva masculina, feminina, para nenos e para atletas.

O produto estrela da compañía era orixinalmente roupa interior, antes de adicarse á roupa deportiva nos anos 1970, que comezou servindo de auspiciador para o tenista sueco Björn Borg.

A compañía italiana que controlaba a empresa, Holding di Partecipazioni, vendeuna ao hedge fund estadounidense Cerberus Capital Management no 2003, despois de que a compañía se comprometese a unha campaña de patrocinio importante en atletismo, cando a situación financeira era difícil. Cerberus era propietaria de Fila a través do holding Sports Brands International, que era propietaria e operadora de tódolos negocios de Fila en todo o mundo, agás Fila Korea, que sempre foi unha compañía independente que operaba coa marca baixo licenza.

En xaneiro de 2007, a marca global de Fila foi adquirida por Fila Korea, filial que sempre foi independente, por 400 millóns de dólares, o que a fai a primeira compañía de deportes de Corea.

Fila comprou ao fabricante de equipamento de golf estadounidense Acushnet no 2011, incluíndo a marca Titleist.

Inglaterra

• Athletic Football Club Bournemouth ^{[Cómpre referencia]}
• Morecambe Football Club ^{[Cómpre referencia]}
• Oldham Athletic ^{[Cómpre referencia]}
• Rochdal ^{[Cómpre referencia]}