Guerra franco-prusiana - Wikipedia, a enciclopedia libre
Na Galipedia, a Wikipedia en galego.
| Guerra franco-prusiana | ||
|---|---|---|
 Napoleón III de Francia e Otto von Bismarck na maña seguinte á batalla de Sedan. Wilhelm Camphausen, 1878 | ||
| Tipo | guerra  | |
| Data | 19 de xullo de 1870 ╴10 de maio de 1871 | |
| Resultado | Vitoria alemá | |
| Localización | Francia | |
| Belixerantes | ||
| ||
| Líderes | ||
| ||
| Composto por | ||
| cerco de París, cerco de Neu-Breisach, cerco de Verdún, batalla de Spicheren, batalla de Borny-Colombey, batalla de Gravelotte, cerco de Metz, batalla de Pontarlier, cerco de Toul, cerco de Belfort e batalla do Lisaine | ||
| [ Wikidata ] |
.svg)
A guerra franco-prusiana que enfrontou a Francia e Alemaña entre o 19 de xullo de 1870 e o 28 de xaneiro de 1871 e que significou a fundación do Segundo Reich ou Unificación Alemá, e a perda de Alsacia e Lorena e do Segundo Imperio por parte da derrotada e humillada Francia.
Francia e Alemaña romperon relacións pola candidatura de Leopoldo de Hohenzollern, sobriño do rei de Prusia á coroa española tralo destronamento e exilio de Isabel II. Napoleón III, emperador francés, temeu un cerco a Francia como nos días de Carlos I. Esixiu a Guillerme I, rei de Prusia, que interviñese para retira-la candidatura. O rei de Prusia contestou que aquilo era unha "impertinente solicitude" e enviou o famoso telegrama de Ems. Ese telegrama antes de saír de Berlín, pasou polas mans do belicista chanceler de ferro Otto Von Bismarck, e logo de adquirir forma máis hostíl, orixinou a ruptura de hostilidades.
O xeneral Moltke, man dereita de Guillerme I, invadiu Alsacia e Lorena e bloqueou a flor e nata do exército imperial francés na batalla de Sedán (Renania, 1870). O propio Napoleón III foi feito prisioneiro nesa batalla. Co emperador retido, caeu en Francia o Segundo Imperio e foi proclamada a Terceira República. O goberno republicano conseguiu milagrosamente que París non caese. En 1871 asinouse a Paz de Frankfurt, na que Francia cedía a Alemaña Alsacia e Lorena. En Versalles (Francia), Guillerme I foi aclamado como emperador de Alemaña, unificando as Confederacións do Norte e do Sur. Naceu así o Segundo Reich, baixo hexemonía prusiana. Alemaña converteuse na primeira potencia continental e a segunda económica do mundo.