Guerra ruso-xaponesa - Wikipedia, a enciclopedia libre
Na Galipedia, a Wikipedia en galego.
| Guerra ruso-xaponesa | |
|---|---|
 | |
| Tipo | guerra e tentativa  |
| Data | 8 de febreiro de 1904 ╴5 de setembro de 1905 |
| Localización | Manchuria |
| Composto por | |
Batalha de Port Arthur (pt)  , Batalha de Sandepu (pt) , Japanese invasion of Sakhalin (en) , Battle of Chemulpo Bay (en) , Battle of Korsakov (en) , Hitachi Maru Incident (en) , Batalha de Mukden (pt) e Batalha de Tsushima (pt) | |
| [ Wikidata ] |
A guerra ruso-xaponesa foi un conflito militar entre o Imperio Ruso e o xaponés que se estendeu desde o 10 de febreiro de 1904 ata o 5 de setembro de 1905 por mor das ambicións dos dous estados sobre Manchuria e Corea e que rematou coa vitoria xaponesa e a derrota rusa, sendo causante da Revolución Rusa de 1905. As operacións bélicas desenvolvéronse sobre todo no sur de Manchuria, en especial na zona da Península de Liaodong e Mukden e nos mares que arrodean Corea, Xapón e o mar Amarelo.
No plano militar, o conflito prefigurou as guerras do século XX pola súa duración (un ano e medio), pola cantidade de tropas que participaron (máis de 2 millóns de homes) e polas perdas (156.000 mortos, 280.000 feridos e 77.000 prisioneiros) así como tamén polo emprego de técnicas modernas.
No plano político, o enfrontamento ten a súa orixe na oposición directa entre os dous imperialismos, o xaponés e o ruso, este último co obxectivo estratéxico de obter un acceso permanente ao océano Pacífico, pois o recentemente establecido porto de Vladivostok tan só era operativo no verán. Mentres que Port Arthur podía ser operativo todo o ano, as negociacións entre rusos e xaponeses entre a primeira guerra sino-xaponesa e 1903 non levaran a acordo ningún por considerar os xaponeses que esa zona quedaba dentro da súa rexión de influencia.