Henrique I de Castela - Wikipedia, a enciclopedia libre

Na Galipedia, a Wikipedia en galego.

Henrique I de Castela

Biografía
Nacemento	14 de abril de 1204 Valladolid, España
Morte	6 de xuño de 1217 (13 anos) Palencia, España
Causa da morte	morte accidental
Lugar de sepultura	Mosteiro de las Huelgas
Monarca do Reino de Castela
1214 – 1217
Datos persoais
Relixión	Catolicismo
Actividade
Ocupación	gobernante
Outro
Título	Rei de Castela
Familia	Casa de Borgoña
Cónxuxe	Mafalda de Portugal (1215 (Gregoriano)–)
Pais	Afonso VIII de Castela   e Lionor Plantagenet
Irmáns	Branca de Castela Lionor de Castela Berenguela de Castela Orraca de Castela Sancho de Castela Sancha de Castela Mafalda de Castela Fernando de Castela Costanza de Castela
Descrito pola fonte	Pequeno Dicionario Enciclopédico de Brockhaus e Efron Dicionario Enciclopédico Brockhaus e Efron Encyclopædia Britannica

Henrique I de Castela, nado en Valladolid o 14 de abril de 1204 e finado en Palencia o 6 de xuño de 1217, chamado tamén Henrique de Borgoña, foi rei de Castela^[1] entre 1214 e 1217.

Fillo mais novo de Afonso VIII e de Leonor de Plantagenet, accedeu ó trono con dez anos ó morrer os seus seis irmáns homes. A súa minoridade supuxo a apertura dun período de rexencia de 24 días por parte da súa nai. Trala súa morte asumiu a rexencia a súa irmá mais vella, Berenguela, que residía na corte castelá trala anulación do seu matrimonio con Afonso IX de León polo papa Inocencio III en 1204.

A rexencia de Berenguela foi contestada pola familia Lara, nobres casteláns que xa se destacaran polas súas intrigas durante a minoría de idade de Afonso VIII. Encabezados polo conde Álvaro Núñez de Lara, negaban a oportunidade de que unha muller se fixese cargo da rexencia do reino, empuxando a Berenguela a renunciar á rexencia para evitar os mesmos conflitos que caracterizaron os primeiros anos do reinado do seu pai Afonso VIII.

A tutela do conde de Lara produciu desavinzas entre a nobreza castelá, que temía o enorme poder que con ela obtiñan os Lara, que desde un primeiro momento manobraron para consolidar a súa posición concertando en 1215 o matrimonio de Henrique coa infanta Mafalda de Portugal, filla do rei Sancho I. O matrimonio nunca foi consumado e acabou sendo anulado ó ano seguinte por Inocencio III, debido ó grao de parentesco entre eles.

Isto motivou ó conde Álvaro Núñez de Lara a concertar un novo matrimonio de Henrique con Sancha, filla de Afonso IX, co que se pretendía unir os reinos de Castela-Toledo e Galiza-León e apartar da liña sucesoria dos dous reinos a Fernando, fillo de Berenguela e do propio rei galego-leonés.

Porén, antes de celebrar os esponsais, Henrique I faleceu en Palencia de forma accidental, ó caer sobre el unha tella desprendida dunha das torres do pazo episcopal de Palencia, onde xogaba con outros nenos.

Á súa morte apareceu un problema sucesorio. Elixida Berenguela, irmá de Henrique e esposa de Afonso IX, como raíña en 1217, renunciou en favor do seu fillo, o herdeiro dos reinos de Galiza e León Fernando III o Santo.

Reino de Castela
Segue a: Afonso VIII de Castela	Henrique I de Castela (1214-1217)	Precede a: Berenguela de León e Castela
Borgoña