Ordem e Progresso - Wikipedia, a enciclopedia libre
- ️Sun Apr 27 2003
Na Galipedia, a Wikipedia en galego.
Ordem e Progresso (en galego: Orde e Progreso) é o lema nacional da República Federativa do Brasil dende o momento da súa formación.
O lema está inspirado por un lema do filósofo francés Auguste Comte. Ten a súa orixe nalgunhas persoas pertencentes ao movemento que depuxo a Monarquía e proclamou a República no Brasil, seguidores dos ideais de Comte.[1]
O lema é a forma abreviada dun adaxio do positivista Auguste Comte: "O Amor por principio e a Orde por base; o Progreso por fin" (en francés: L'amour pour principe et l'ordre pour base; le progrès pour but.). O seu significado ten que ver coa realización dos ideais republicanos: a busca de condicións sociais básicas (respecto aos seres humanos, salarios dignos etc.) e a melloría do país (en termos materiais, intelectuais e, principalmente, morais).[2]
A expresión é utilizada como lema na bandeira do Brasil, idealizada por Raimundo Teixeira Mendes e pintada por primeira vez polo artista Décio Villares.[2]
- ↑ "BRAZIL: Order and Progress, Ronald Hilton, World Association of International Studies Forum Q&A, 4/27/03" (en inglês).
- ↑ 2,0 2,1 "Bandeira Nacional Brasileira - Brasil República". Arquivado dende o orixinal o 07 de novembro de 2017. Consultado o 29 de xuño de 2013.