Perciformes - Wikipedia, a enciclopedia libre

Na Galipedia, a Wikipedia en galego.

Os Perciformes (tamén chamados percomorfos (Percomorphi) ou acantópteros (Acanthopteri)) son unha orde de peixes teleósteos, da superorde Acantopterixios (Acanthopterygii). Constitúe a orde máis grande de vertebrados (Fish Base), e comprende máis de 7.000 especies diferentes, con ó redor do 40% de tódolos peixes. Presentan moi diferentes formas e tamaños, e habitan en case tódolos medios acuáticos, principalmente mariños.

Xeralmente teñen unha aleta dorsal de ampla base, cun rebaixe. Nas aletas dorsal e anal, os primeiros radios están transformados en espiñas en número variable. O habitual é unha espiña nas aletas pélvicas. As escamas adoitan ser ctenoides pero tamén hai especies con escamas cicloides ou doutros tipos.

A clasificación taxonómica dos Perciformes é controvertida e hai autores que os consideran un grupo parafilético Fish Base. Divídese en 18 subordes:

• Suborde Percoidei
  • Superfamilia Percoidea
  • Superfamilia Cirrhitoidea
  • Superfamilia Cepoloidea
• Suborde Elassomatoidei
• Suborde Labroidei (Maragota)
• Suborde Zoarcoidei
• Suborde Trachinoidei (Faneca brava)
• Suborde Notothenioidei
• Suborde Blennioidei
• Suborde Icosteoidei
• Suborde Gobiesocoidei
• Suborde Callionymoidei
• Suborde Gobioidei (Gobios)
• Suborde Kurtoidei
• Suborde Acanthuroidei
• Suborde Scombrolabracoidei
• Suborde Scombroidei (Túnidos)
• Suborde Stromateoidei
• Suborde Anabantoidei
• Suborde Channoidei

O ITIS [1] non contempla a suborde Scombrolabracoidei pero si inclúe os Xiphioidei.

• Gramátidos

• Taxonomía ITIS
• Taxonomía FishBase