Španiska - Wikipedija

Z Wikipedije, swobodneje encyklopedije

40-2

Kralestwo Španiska

zakładne daty:
swójske mjeno	Reino de España
stolica	Madrid
přestrjeń	504.645 km²
wobydlerstwo	47.007.367 (2018)
hustosć	93,1 wob./km²
forma knježerstwa	konstitucionelna monarchija federatiwneho typa
hłowa stata	kral Felipe VI.
šef knježerstwa	prezident knježerstwa Pedro Sánchez (wot 2018)
měna	euro
hamtska rěč	španišćina
připóznate mjeńšinowe rěče	katalanšćina, baskišćina, asturšćina, galicišćina, okcitanšćina
hymna	Marcha Real
časowe pasmo	UTC+1 (Kanariske kupy UTC)
Top Level Domain	.es
telefon	+34
Połoženje Španiskeje w Europje
p • d • w

Španiska (španisce España) je kralestwo, kotrež leži zwjetša na Iberiskej połkupje w juhozapadnej Europje. Jeho susodźa su Francoska a Andorra na sewjerje, Portugalska na zapadźe a k Zjednoćenemu kralestwu słušaca połkupa Gibraltar w juhu. K Španiskej słušeja nimo teritorijow na europskej twjerdźi tež Baleary w Srjedźnym morju, Kanariske kupy w Atlantiskim oceanje a eksklawje Ceuta a Melilla w sewjernej Africe, kotrejž mjezujetej z Marokkom.

W zašłosći słušeše Španiska k najmócnišim kolonialnym mócnarstwam swěta, čehoždla so hač do dźensnišeho předewšěm w Južnej a Srjedźnej Americe kaž tež na Filipinach španisce rěči. Wot 1. januara 1986 je Španiska čłon Europskeje unije.

Španiska stolica je Madrid, kotryž so nimale w srjedźišću kraja namaka.