Estiska - Wikipedija

Z Wikipedije, swobodneje encyklopedije

58.725.5

Republika Estiska

zakładne daty:
swójske mjeno	Eesti Vabariik
stolica	Tallinn
přestrjeń	45.339 km²
wobydlerstwo	1.313.271 (2015)
hustosć	29 wob./km²
forma knježerstwa	republika
hłowa stata	prezident Alar Karis (wot 2021)
šef knježerstwa	ministerski prezident Kristen Michal (wot 2024)
měna	euro
hamtska rěč	estišćina
hymna	Mu isamaa, mu õnn ja rõõm („Moja wótčina, moje zbožo a wjeselo“)
časowe pasmo	UTC +2 (EET) UTC+3 EEST (měrc–oktober)
njewotwisnosć	24. februara 1918 (deklaracija); 20. awgusta 1991 (znowadocpěće)
Top Level Domain	.ee
telefon	+372
Połoženje Estiskeje w Europje
p • d • w

Estiska (estisce Eesti) je njewotwisny stat w sewjerowuchodnej Europje, kotryž słuša k baltiskim krajam. Stolica a najwjetše město je Tallinn, ležacy na sewjeru kraja při Baltiskim morju.

Po Prěnjej swětowej wójnje běše Estiska mjez 1918 a 1940 prěni raz njewotwisna a wot Druheje swětoweje wójny hač do lěta 1991 wot Sowjetskeho zwjazka okupěrowana. Wot awgusta 1991 je wona znowa njewotwisny stat, kotryž přisłuša kaž Letiska a Litawska wot lěta 2004 k Europskej uniji.

Wosebje na wuchodźe Estiskeje je poměrnje wulka ruskorěčna ludnosć žiwa.

Estiska mjezuje na wuchodźe z Ruskej, na juhu z Letiskej a na sewjeru a zapadźe z Baltiskim morjom. Wuchodna hranica k Ruskej, kotraž běži hłownje přez Peipuski jězor, pjaty najwjetši jězor Europy, je zdobom wonkowna hranica Europskeje unije.

Najwyša hora je Suur Munamägi (318 m nad normalnej nulu) na juhowuchodźe Estiskeje a najniše městno je pobrjóh Baltiskeho morja. Před zapadnym brjohom Estiskeje nadeńdźetej so wulkej kupje Saaremaa a Hiiumaa.

Hlej tež: Lisćina narodnych parkow w Estiskej

Najwjetše města su:

• Tallinn – 400.387 wobydlerjow
• Tartu – 101.169 wobydlerjow
• Narva – 68.680 wobydlerjow
• Kohtla-Järve – 47.679 wobydlerjow
• Pärnu – 45.500 wobydlerjow
• Viljandi – 20.756 wobydlerjow