Robert Mugabe - Wikipedija

Z Wikipedije, swobodneje encyklopedije

Robert Gabriel Mugabe (* 21. februara 1924 w Harare, Rhodesiska; † 6. septembra 2019 w Singapurje) bě simbabweski politikar, kiž knježeše wot njewotwisnosće 1980 hač do nowembra 2017 nad afriskim krajom.

W lěće 1980 dobudźe ze swojej Zimbabwe African National Union (ZANU) wólby w tehdyšej Rhodesiskej a sta so z prěnim čornym premierministrom kraja. Po 37 lět trajacym knjejstwu – najprjedy jako premier (1980–87) a pozdźišo jako diktatoriski prezident – bu wón, kiž bě z 93 lětami zdobom najstarši hłowa stata na swěće, w nowembrje 2017 přez njekrawny wojerski puč wotsadźeny.