Արոս - Վիքիպեդիա
Վիքիպեդիայից՝ ազատ հանրագիտարանից
Անվան այլ կիրառումների համար տե՛ս՝ Արոս (այլ կիրառումներ)
- Անվան այլ կիրառումների համար տե՛ս՝ Արջաձոր (այլ կիրառումներ)
Արոս, գյուղ Արևմտյան Հայաստանում, Էրզրումի վիլայեթի Խնուսի գավառում։ Գտնվում էր Խնուս քաղաքից 6-7 կմ հարավ-արևելք, Խնուս գետի աջ ափին, դեպի Մուշ տանող տեղական ճանապարհի վրա։
Արոսն իր բնական դիրքով նման է արոս թռչունին, որն ունի երկար վիզ, դուրս ցցված կուրծք և միշտ բարձր պահած գլուխ։ Դրա պատճառով էլ գյուղը ստացել է Արոս անվանումը։
1915 թվականի Մեծ եղեռնի ժամանակ բնակիչների մեծագույն մասը զոհվել է, իսկ փրկվածները հաստատվել են Արևելյան Հայաստանում։
XVIII—XIX դարերում ունեցել է մոտ 250, իսկ XX դարի սկզբին՝ 95-98 տուն հայ բնակիչ։
Զբաղվում էին երկրագործությամբ, այգեգործությամբ, անասնապահությամբ, առևտրով և արհեստներով (ջուլհակություն, քարակոփություն, որմնաշինություն)։
Գյուղի մոտ եղած բարձրորակ քարից Արոսի հմուտ վարպետները պատրաստում էին կամուրջների, եկեղեցիների կամարներ, հնոց-փռեր, ջրաղացի, ղինգի, ձիթհանքի քարեր։
Արոսի գերեզմանատանը պահպանվում էին XV դարում կառուցված եկեղեցու պատերը։ Արոսը նաև ուներ գործող եկեղեցի։
Գյուղն ուներ վարժարան՝ 50 աշակերտով[1][2]։
Գյուղի մերձակայքում կա Արջաձոր ձորը։ Արջաձորի հարավային կողմումգտնվում էր Նորելածի վանքը և այդ պատճառով էլ վանքը կրում է վերջինիս անունը[3]։
- ↑ ՀՍՀ, հտ 2, էջ 110-111, Արոս
- ↑ «Հայաստանի և հարակից շրջանների տեղանունների բառարան», հտ 1, էջ 479
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Գ] (խմբ. Մանուկյան Լ. Գ.), Երևան, «Երևանի համալսարանի հրատարակչություն», 1986, էջ 481 — 992 էջ։
Թեմատիկ կայքեր |
|---|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 110)։ 