Կորդովա (Արգենտինա) - Վիքիպեդիա

Վիքիպեդիայից՝ ազատ հանրագիտարանից

Անվան այլ կիրառումների համար տե՛ս՝ Կորդովա (այլ կիրառումներ)

Քաղաք
Կորդովա
Córdoba
Դրոշ Զինանշան
Երկիր	Արգենտինա
Համայնք	Մայրաքաղաքային դեպարտամենտ
Քաղաքապետ	Խոսե դե լա Սոտա
Հիմնադրված է	1573 թ.
Մակերես	576 կմ²
ԲԾՄ	389 մ
Խոսվող լեզուներ	իսպաներեն
Բնակչություն	1 329 604 մարդ (2010)
Ագլոմերացիա	1,7 մլն
Ժամային գոտի	UTC-3, ամառը UTC-2
Հեռախոսային կոդ	0351, 03543
Փոստային ինդեքս	5000
Փոստային դասիչ	X5000
Պաշտոնական կայք	cordoba.gov.ar
Կորդովա Վիքիպահեստում

Կորդովա (իսպ.՝ Cordoba), քաղաք Արգենտինայում, Կորդովա նահանգի վարչական կենտրոնը։ 781, 6 հազար բնակչություն (արվարձաններով, 1978)։ Արդիական կենտրոն է, երկաթուղային հանգույց։ Կա մեքենաշինական, սննդի, կաշվի արդյունաբերություն։ Ունի համալսարան (1613 թվականից)։

Հիմնադրվել է 1573 թվականին և կոչվել Իսպանիայի Կորդովա քաղաքի անունով^[1]։

1920-ական թվականներին Արգենտինա գաղթած կիլիկիահայերի մի մասը բնակություն է հաստատել Կորդովայում։ Հայերին համախմբող կազմակերպությունը «Հայ գաղութային միությունն» է։ Համայնքի կազմավորման տարիներին գործել է ՀՕԿ-ի մասնաճյուղը։

Այժմ գործում են Արգենտինահայ մշակութային միության, ՀԲԸՄ Կորդովայի մասնաճյուղերը, հայրենակցական միություններ, մարզական, երիտասարդական կազմակերպություններ, ինչպես նաև Սահակ-Մեսրոպ վարժարանը և հայկական եկեղեցի։ 1979 թվականին այնտեղ բնակվում էր շուրջ 4 հազար հայ՝ հիմնականում առևտրականներ, արհեստավորներ, փաստաբաններ և այլն։ Կորդովայի փողոցներից մեկը կոչվում է «Արմենիա»։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 645)։