Նեղոց - Վիքիպեդիա
Վիքիպեդիայից՝ ազատ հանրագիտարանից
| Գյուղ | |
|---|---|
| Նեղոց | |
 | |
| Երկիր |  Հայաստան |
| Մարզ | Լոռու |
| Գյուղ | Լոռու մարզ և Թումանյանի շրջան |
| ԲԾՄ | 550 մ |
| Պաշտոնական լեզու | Հայերեն |
| Բնակչություն | 292[1] մարդ (2011) |
| Ազգային կազմ | Հայեր |
| Կրոնական կազմ | Հայ Առաքելական եկեղեցի |
| Տեղաբնականուն | նեղեցեցի |
| Ժամային գոտի | UTC+4 |
| |
Նեղոց, գյուղ Հայաստանի Լոռու մարզի Ալավերդի համայնքում[2]։
Գյուղ տանող ճանապարհը եղել է նեղ և օձաձև, ինչից էլ առաջացել է բնակավայրի անունը՝ Նեղոց[2]։
Նեղոց գյուղը գտնվում է Գուգարաց լեռնաշղթայի արևմտյան փեշին՝ Դեբեդի աջ ափին, անտառապատ մեծ ձորի մեջ։ Ալավերդի քաղաքից հեռու է մոտ 8 կմ դեպի հյուսիս-արևելք։
Գյուղի տարածքում տարածված ծառատեսակներն են բարդին, հաճարենին, թխկին, կեչին, ընկուզենին և այլն։
Անտառներում տարածված են արջ, գայլ, աղվես, եղնիկ, շնագայլ, դաշտամուկ, նապաստակ։
Դեբեդում աճող ձկնատեսակներից են՝ կարմրախայտ, մուրծո, բեղլու և այլն։
Գյուղը հիմնված է միջնադարյան բնակավայրի տեղում։ Այդ մասին են վկայում հին շինությունների հետքերն ու մնացորդները։ Պատմական աղբյուրների համաձայն՝ գյուղը հիմնվել է 13-14-րդ դարերում[2]։
Ստորև ներևկայացված է Նեղոցի մշտական բնակչության վիճակագրական տվյալներն ըստ տարեթվերի․
| Տարի | 1926 | 1939 | 2001 | 2011 |
|---|---|---|---|---|
| Բնակիչ | 96[3] | 250[3] | 320[3] | 292[1] |
- ↑ 1,0 1,1 2011 թ Հայաստանի մարդահամարի արդյունքները
- ↑ 2,0 2,1 2,2 Ալավերդի համայնքի մասին տեղեկություններ Լոռու մարզպետարանի կայքում, (արխիվացված 13․03․2023 թվականին)։
- ↑ 3,0 3,1 3,2 «Հայաստանի հանրապետության բնակավայրերի բառարան, էջ 144» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2013 Նոյեմբերի 12-ին. ;
