Krucomiliti - Wikipedio
(Ridirektita de Krucomilito)
Kruco-milito esis milito per quo west-Europana Kristani entraprezis liberigar Palestina de Islamani dum la 11ma, 12ma e 13ma yarcenti. Motivo por krucomiliti esis en rezurektanta entuziasmo ekleziala, volo di noblaro por aventuro ed en ekonomikala problemi di stati. Pilgrimo-voyaji a Santa Lando esis dum mezal epoko frequa, ma kande Seldjukidi konquestis ye 1070 Palestina, Islamani komencis persekutar pilgrimeri. Cezaro di Est-Roma Alexios 1ma pregis helpo de west-Europani kontre Seldjuki, e pro to, ye 1095 la papo Urbanus la 2ma sugestis en sinodo, en Clermont, ekirar a milito (kampaniar?) pro liberigar Santa Tombo en Palestina. Dum yarcenti on igis multa krucala kampanii. La skopo di militi ne esis obtenita e Palestina esis sub regno di Islamani multa yarcenti. En 1291 lasta loko di Kristani en Palestina, Akkon, falis en manui di Islamani.
En Skandinavia, Suedia igis nemulta milital expedicioni a Finlando dum 12ma e 13ma yarcento. Anke ca expedicioni esas nomizata kruco-militi pro ke papo sugestis Kristana reji di Suedia forsante konvertar pagana tribui en Finlando e Baltia. Vere oli esis nur konquesto-militi.
1096. Vulgara homi ekiris a Minor-Azia.
Ol eventis de 1096 til 1099, e rezultis la konquesto di Ierusalem.
1147–1149. Krucomiliteri sukombis e retrovenis heme.
1189–1192. Krucomiliteri konquestis Akkon 1191.
1202–1204. Krucomiliteri konquestis e spoliis Konstantinoplo.
1212. Mili de filii ekiris de Francia e Germania. Parto mortis sur voyo e parto falis en manui di pirati qui vendis filii kom sklavi.
1228–1229 rejo di Germania Fredrik 2ma sucesis e divenis rejo di Jerusalem. Ultempe anke ca nesucezoza kampanii esas konsiderata kom parto di kinesma krucomilito: 1217–1218 rejo di Hungaria András la 2ma di Hungaria militis en Siria sen ula vinko. 1218–1222 krucomiliteri atakis Egiptia sen ula vinko.
1248–1254 rejo di Francia Louis la 9ma la Santa kampaniis. Il esis kaptita en Egiptia.
1270 rejo di Francia Louis la 9ma la Santa ekiris a Tunisia. Ube granda parto di krucomiliteri mortis pro pesto.