1620 - Wikipedia, frjálsa alfræðiritið

Úr Wikipediu, frjálsa alfræðiritinu

Árið 1620 (MDCXX í rómverskum tölum) var 20. ár 17. aldar og hlaupár sem hófst á miðvikudegi samkvæmt gregoríska tímatalinu en laugardegi samkvæmt júlíska tímatalinu sem er tíu dögum á eftir.

• 4. febrúar - Furstinn af Transylvaníu, Bethlen Gábor, samdi um frið við Ferdinand 2.
• Febrúar - Holger Rosenkrantz var skipaður höfuðsmaður á Íslandi.
• 3. júní - Bygging fyrstu steinkirkjunnar í Norður-Ameríku hófst í Québec.
• 5. ágúst - Skipin Mayflower og Speedwell héldu saman úr höfn í Plymouth í Englandi og stefndu til Nýja heimsins en Speedwell þurfti að snúa aftur vegna leka.
• 8. nóvember - Orrustan við Hvítafjall gerði út um uppreisn mótmælenda í Bæheimi í Þrjátíu ára stríðinu.
• 21. nóvember - Skipið Mayflower komst inn fyrir Þorskhöfða með pílagríma sem stofnuðu þar Plymouth-nýlenduna.

• Ritið Novum Organum eftir Francis Bacon kom út.
• Herstjórinn Tokugawa Hidetada endurreisti Ósakakastala í núverandi mynd.
• Nútímafiðla kom fram.
• Nornaveiðar hófust í Skotlandi.
• Ove Gjedde stofnaði dönsku nýlenduna Trankebar í Austur-Indíum.

• 4. febrúar - Gustaf Bonde, sænskur stjórnmálamaður (d. 1667).
• 21. júlí - Jean Picard, franskur stjörnufræðingur (d. 1682).
• 31. október - John Evelyn, enskur dagbókarhöfundur (d. 1706).

• 25. mars - Johannes Nucius, þýskt tónskáld (f. um 1556).
• 18. ágúst - Wanli, keisari Mingveldisins í Kína (f. 1563).
• 26. september - Taichang, keisari Mingveldisins í Kína (f. 1582).
• 7. október - Stanisław Żółkiewski, pólskur herforingi (f. 1547).