აფხაზეთის ადმინისტრაციული დაყოფა - ვიკიპედია

მასალა ვიკიპედიიდან — თავისუფალი ენციკლოპედია

საბჭოთა პერიოდში აფხაზეთის ასსრ იყოფოდა 6 რაიონად, მათი ცენტრების სახელზე: გაგრა, გუდაუთა, სოხუმი, ოჩამჩირე, გულრიფში და გალი. აფხაზეთის ავტონომიური რესპუბლიკის ადმინისტრაციული დაყოფა იგივე დარჩა, თუმცა საერთაშორისო თანამეგობრობის მიერ არცნობილი აფხაზეთის რესპუბლიკის ტერიტორიაზე კიდევ ერთი ტყვარჩელის მუნიციპალიტეტია დამატებული, რომლის ტერიტორია გამოაკლდა ოჩამჩირისა და გალის მუნიციპალიტეტებს 1995 წელს.

• გაგრის რაიონი
• გალის რაიონი
• გუდაუთის რაიონი
• გულრიფშის რაიონი
• ოჩამჩირის რაიონი
• სოხუმის რაიონი

აფხაზეთი ისტორიულად რამდენიმე რეგიონად იყოფოდა^[1](ისინი დაახლოებით ესადაგება ფრჩხილებში მითითებულ რაიონებს):

• საძენი (გაგრის მუნიციპალიტეტი და სოჭის რეგიონი, რომელიც ამჟამად რუსეთშია)
• ბზიფი (გუდაუთის რაიონი)
• გუმაა (სოხუმის რაიონი)
• აბჟუა (ოჩამჩირისა და გალის რაიონები)
• სამურზაყანო (გალის რაიონი)
• დალ-ცაბალი (გულრიფშის რაიონი)