ვარჩა - ვიკიპედია

მასალა ვიკიპედიიდან — თავისუფალი ენციკლოპედია

სოფელი
ვარჩა
ქვეყანა	საქართველო
ავტონომიური რესპუბლიკა	აფხაზეთის არ
მუნიციპალიტეტი	გულრიფშის მუნიციპალიტეტი
თემი	ბაბუშარა
კოორდინატები	42°50′40″ ჩ. გ. 41°08′37″ ა. გ. / 42.84444° ჩ. გ. 41.14361° ა. გ.
მოსახლეობა	2677[1] კაცი (1989)
სასაათო სარტყელი	UTC+4
სატელეფონო კოდი	+995

ვარჩა^[2][3] (აფხ. Уарча [უარჩა]) — სოფელი აფხაზეთის ავტონომიურ რესპუბლიკაში, გულრიფშის მუნიციპალიტეტში (ბაბუშარის თემი).

მდებარეობს შავიზღვისპირა დაბლობზე, მდინარე კოდორის მარჯვენა ნაპირას, ზღვის დონიდან 20 მ-ზე, გულრიფშიდან 21 კმ-ში, დრანდიდან (უახლოესი რკინიგზის სადგური) 4 კმ-ში.

სოფლის სახელწოდებას საფუძვლად უდევს მეგრული „ოჩეს“ („დიდი ყანა“) ვარიანტი „ორჩე“, რომლისგანაც მიიღეს აფხაზური უარჩა. 1886 წელს სოფელი ავარჩე იხსენიება გუმისთის უბანში. 1930 წლიდან უარჩე ბაბუშარას თემში შედიოდა.^[4] საბჭოთა პერიოდში მოქმედებდა ხე-ტყის დასამუშავებელი საამქრო, დასასვენებელი ბაზა. 1989 წლის აღწერით იყო 2677 მცხოვრები, უმრავლესობა — ქართველები. ვარჩაში დაიბადა აფხაზი მწერალი დიმიტრი გულია.

2008 წლის 23 ოქტომბრის ოკუპირებული ტერიტორიების შესახებ საქართველოს კანონის საფუძველზე, ტერიტორია ოკუპირებულია რუსეთის ფედერაციის სამხედრო აგრესიის შედეგად და დადგენილია ამ ტერიტორიების განსაკუთრებული სამართლებრივი რეჟიმი.

• ენციკლოპედია „საქართველო“, ტ. 3, , 2014. — გვ. 183-184.

• ქართული საბჭოთა ენციკლოპედია, ტ. 4, , 1979. — გვ. 315.