ქართული - ვიქსიკონი
- ფონეტიკური ტრანსლიტერაცია (IPA): [kʰɑrtʰuli]
- აუდიო მაგალითი: ქართული ?
- დამარცვლა: ქარ·თუ·ლი
- საქართველოს ან ქართველების კუთვნილი, დამახასიათებელი.
- ქართული ენა. ქართული ანბანი. ქართული ნაწარმი
- 1908: აკაკი წერეთელი, „ჩემი თავგადასავალი“
- „ქართულ სათამაშოებს ბავშვები თავის ხელით აკეთებენ.“
- 1896: აკაკი წერეთელი, „ბაში-აჩუკი“
- „საქართველოც ჩვენი ცხოვრების ხეა, საკუთარ ქართულ ნიადაგზე დანერგილი და ზედ ქრისტეს სჯულია დამყნილი.“
- 1861: ილია ჭავჭავაძე, „ორიოდე სიტყვა თავად რევაზ შალვას ძის ერისთავის კაზლოვიდგან „შეშლილის“ თარგმნაზედა“
- „რამდენი ნამდვილობა და ჭეშმარიტებაა მის წმინდა ქართულ პოეტიკურ დარდებში, კვნესაში და ნატვრაში!“
- ➤ ანტონიმები: არაქართული
- ქართული ენის კუთვნილი, ქართულ ენაზე ნათქვამი, დაწერილი.
- ქართული სიტყვა. ქართული ვიქსიკონი. ქართული ლექსი
- 1884: აკაკი წერეთელი, „თორნიკე ერისთავი“
- „ქართულ ლექსის გაგონებამ იოვანე ააჩქარა, ტანში რაღაც უნებურმა ჟრუანტელმა დაუარა.“
- ➤ სინონიმები: ქართულენოვანი
- ➤ ანტონიმები: არაქართული, არაქართულენოვანი
- ქართული ენა.
- ქართულს სწავლობს. ქართული იცის. ქართულში შვიდი ბრუნვაა
- 1924: მიხეილ ჯავახიშვილი, „ისევ ქართული ენის შესახებ“
- „უცებ რომ ჩვენმა წინაპრებმა წამოიწიონ და ყური უგდონ დღევანდელ ქართულს, ნებაყოფლობით უკანვე ჩასცვივდებიან საფლავებში.“
- ➤ სინონიმები: ქართული ენა
- სასაუბრო: ქართული ენის გაკვეთილი სკოლაში ან სხვა სასწავლებელში.
- ქართულში დავალება რა გვაქვს?. ქართულს მეცადინეობს. ქართულში ათიანი მივიღე
- ერთ-ერთი ქართული ეროვნული ცეკვის საკუთარი სახელი, ცეკვა „ქართული“
- ქართულს ცეკვავს
- რევაზ მიშველაძე, „რჩეული თხზულებანი IV – ნოველები“
- „ახლა დეისაძე და ქავთარაძე იცეკვებენ ქართულს, მერე ვაჟა ალხაზიშვილი წაიკითხავს „ბაკურს” და ფათუშას ჯერია.“
- ➤ წარმოებული სიტყვები: აქართულებს, გააქართულებს, გადააქართულებს, გადაქართულდება, გადაქართულებული, გადმოაქართულებს, გადმოქართულებული, გადმოქართულდება, გაუქართულებს, გაქართულება, გაქართულდება, გაქართულებული, ექართულება, მოქართულე, უქართულებს, ქართულენოვანი
- ➤ შესიტყვებები: ქართული ენა, ქართული ანბანი
საქართველოს ან ქართველების კუთვნილი, დამახასიათებელი
ქართულ ენაზე ნათქვამი, დაწერილი, ქართულენოვანი
საჯარო მოხელის ორთოგრაფიულ-სტილისტიკური ლექსიკონი, თამარ ვაშაკიძე, ავთანდილ არაბული, თეა ბურჭულაძე, თბილისი, 2022, გვ. 523
