Famîleya baqilan - Wîkîpediya

Ji Wîkîpediya, ensîklopediya azad.

Famîleya baqilan (navê botanîk Fabaceae) famîleyeke fireh a riwekên kulîlkdar e. Di koma baqilan (Fabales) de cih digire. Piştî famîleya orkîdeyan û famîleya beybûnan sêyem famîleya fireh e.

Li gorî agahiyên fermî (binêre:Royal Botanical Gardens) 730 cins û bêhtirî 19,400 cureyên riwekan hene di vê komê de. Bi hejmara bêhtirî 2,000 cureyan cinsê herî mezin gonî, darcêwî zêdetirî 900 cure, Wesme nêzîkê 700 cure ye. Cinsekî din ê mezin heye ku Crotalaria, xwediyê 600 cure ye û giyaşîrîn jî 500 cure.

Pelê wan bi gelemperî alternatîf û bi hevdu ve ne. Gelek cure xwediyê pelên bi binyateke wisa ne ku moriyan dikişîne xwe û ev morî jî riwekan ji kêzikên giyaxur diparêzin.

Kulîlk bi gelemperî ji pênc pelên çeperê yên pevkelijî û pênc pelên tancikê yên serbest pêk tên. Bi giştî nêremo ne.

Hêkel bi giştî di nava teneyêke de mezin dibe an jî geşedanî dibe. Tene ji fêkiyekî ziwa yê sade pêk tê.

Li ser rayên gelek baqilan bakterî hene ku ev nîtrojena serbest a li hewayê digirin û didine nav axê. Bi saya van bakteriyan baqil nîtrojenê ji axê distînin.

• Ferhenga Enstîtuya Kurdî ya Stenbolê , Zana Farqînî
• Agahiya Navneteweyî di derbarê teneyan de
• Dara Jiyanê ya Fabaceae ^{Girêdana arşîvê 2012-12-06 li ser Wayback Machine}
• Beanref - Girêdana lêgerîna fasuliyan
• Famileya baqilan li îsraîl Îsraêlê ^{Girêdana arşîvê 2012-10-11 li ser Wayback Machine}
• Famîleya baqilan li Mongolya Mongolyayê ^{Girêdana arşîvê 2011-07-19 li ser Wayback Machine}