kw.wikipedia.org

Krypton - Wikipedia

Dhyworth Wikipedya, an godhoniador rydh

Ensampel a Elven gymyk, gass, atmophile element Edit this on Wikidata
Furvell gymyk Kr edit this on wikidata
Dydhyas diskudhans 1898 Edit this on Wikidata
Niver atomek 36 Edit this on Wikidata
Aray an elektrons 1s² 2s² 2p⁶ 3s² 3p⁶ 3d¹⁰ 4s² 4p⁶, [Ar] 3d¹⁰ 4s² 4p⁶ Edit this on Wikidata
Elektronegedhegedh 3 Edit this on Wikidata
Rann a period 4, bagas 18 Edit this on Wikidata
Commons page Restrennow kelmys war Gemmyn Wikimedia

Elven gemyk ew krypton, niver 36 e'n Vosen Beriodek. Y arwodh gemyk ew Kr. An hanow a dheu dhort an ger Greka kryptos, ow styrya kudhys. Diskudhys re beu krypton en ayrgylgh an planet Meurth.

Nag eus radn dhe krypton e'n korf denel. Woja diskudha heliom hag argon, William Ramsay (1852-1916) a berderas ev dhe dhiskudha bagas nowydh a elvednow. Ev a dhallathas hwila anjei gen y skoodhyer, Morris William Travers (1872-1961). Woja eksamnya 15 liter a argon tednys dhort an ayr, anjeii a enyshas 25ml a gass avel remenat. Dhort y spektrum, anjei a wrug ajon hy bos elven nowydh. Usys ew rag gul golowys sketh, war y honan gen golow medhel purpur, po gen gassys erel rag treylya aga liwyow, en bollennow lughes skavder ughel ha laserow. Na wra krypton dasoberi gen elvednow erel.

Poos atomek krypton ew 83.80, y boynt teudhi ew -157°C ha'y boynt bryjyon ew -52°C. Y dhosedh ew 3.7 gramm an liter. Gass diliw anvlasus ew krypton. Ema dhe krypton hwegh isotop naturel, bes ema dasoberoryon nuklerek ha gweythvaow dasdhyghtyans kunys nuklerek ow livra krypton-85 radyoweythresek dhe'n ayrgylgh. Studhyes veu levels an isotop dres an Vresel Yeyn gen an West awos ev dhe dhiskwedhes pygebmys daffar nuklerek o dyghtyes gen an Kesunyans Sovyetek.

  • William Ramsay

    William Ramsay

  • Morris Travers

    Morris Travers

  • Golowys sketh

    Golowys sketh

  • Laser krypton

    Laser krypton

  • Golow lughes skavder ughel

    Golow lughes skavder ughel

Ma an erthygel ma usya an Furv Skrifys Savonek a-barth Kernowek diwedhes.