Antonius Fehr - Vicipaedia

Antonius (Theod. Anton) Fehr (natus 24 Decembris 1881 oppido Lindenberg (Bavaria), mortuus 2 Aprilis 1954 eodem loco) vir publicus Germaniae et sodalis Foederis Bavarici Agricolarum (BBB) fuit.

Fehr Camboduni gymnasium frequentabat et maturitatem accepit. Deinde tirocinium agricolae fecit et academiam agriculturae in oppido Weihenstephan apud Frisingam absolvit, deinde Monachii studebat. Deinde iterum in agricultura laboravit. Proximis annis variis locis Bavariae magister agriculturae fuit. Annis 1919 – 1935 professor universitatis Weihenstephan fuit, deinde Iulio Streicher Nazistarum duce instigante dimissus est.

Fehr, qui sodalis Foederis Bavarici Agricolarum erat, a mense Iunio 1920 ad mensem Novembrem 1933 legatus Dietae Imperii Germanici fuit. 21 Martii - 24 Novembris 1922 Administer Imperii Victus et Agriculturae in consilio ministrorum Wirth II erat. Annis 1924 - 1930 Baviariae administer agriculturae fuit. Propter consilia sua post Coniurationem 20 Iulii 1944 primo in carcerem iactus, deinde etiam in castra carceralia deportatus, sed numquam accusatus est. Bello Orbis Terrarum II finito in oppidum Weihenstephan revertebat.

• Curriculum vitae in pagina Dietae Imperii Germanici (Theodisce)