Gaius Caecilius Metellus Caprarius - Vicipaedia

Gaius Caecilius Metellus Caprarius (natus saeculo 2 a.C.n., mortuus post annum 102 a.C.n.) vir publicus Romanus fuit.

Pater eius Quintus Caecilius Metellus Macedonicus, consul anni 143 a.C.n. fuit. Habuit tres fratres maiores:

• Quintus Caecilius Metellus Balearicus, consul anno 123 a.C.n.
• Lucius Caecilius Metellus Diadematus, consul 117 a.C.n.
• Marcus Caecilius Metellus, consul 115 a.C.n.

Praeterea duas sorores Caecilias Metellas habuit. Filii Caprarii Quintus Caecilius Metellus Creticus (consul 69 a.C.n.) et Lucius Caecilius Metellus, qui anno 68 a.C.n. consulatum gessit.

Anno 133 a.C.n. imperatore Publio Cornelio Scipione Aemiliano Africano apud Numantiam militavit^[1]., anno 117 praetor et anno 113 a.C.n. una cum Gnaeo Papirio Carbone consulatum gessit. Anno 112/111 a.C.n. in Thracia proconsul Macedoniae certavit et eodem anno triumphum celebravit. Anno 102 una cum consobrino Quinto Caecilio Metello Numidico (consule anni 109 a.C.n.) censor erat^[2].

• Carolus-Ludovicus Elvers, "[I 21] C. Metellus Caprarius, Gaius" in Der Neue Pauly vol. 2 (Stutgardiae: Metzler, 1997. ISBN 3-476-01472-X) col. 888.